شەتەلدەگى قانداستاردىڭ شىعارمالارىنا بايقاۋ جاريالاندى
«ۇلى دالا كىتابى» اتتى حالىقارالىق بايقاۋدى «وتانداستار قورى» ك ە ا ق، قازاقستان جازۋشىلار وداعى جانە «فوليانت» باسپاسى بىرلەسىپ قولعا الىپ وتىر. كونكۋرسقا شەتەلدەگى قازاق دياسپوراسىنا جاتاتىن قالامگەرلەر، زەرتتەۋشى عالىمدار، جازۋشىلار قاتىسا الادى.
بايقاۋعا الەمنىڭ ءار قيىرىنا قونىس اۋدارعان قانداستاردىڭ كوشى- قون تاريحى جانە الىس جاقىن شەت ەلدەردى مەكەن ەتكەن ەتنيكالىق قازاقتاردىڭ سان قيلى ءومىر جولى، سالت- ءداستۇرى، ادەبيەتى مەن مادەنيەتى، ونەرى جايىندا جازىلعان پۋبليتسيستيكالىق شىعارمالار، ەستەلىك- ەسسەلەر، كوركەم ادەبي تۋىندىلار، ولەڭ- جىرلار مەن عىلىمي- زەرتتەۋلەر ۇسىنىلۋى كەرەك.
كونكۋرس قورىتىندىسى بويىنشا ۇزدىك دەپ تانىلعان تۋىندىلار جيناق بولىپ جىرققا شىعارىلادى.
بايقاۋدىڭ باستى شارتتارى:
1. قازاقستاندا كىتاپ تۇرىندە جارىق كورمەگەن بولۋى قاجەت
2. بىرلەسكەن اۆتورلاردىڭ شىعارمالارى
3. قۇراستىرىلعان جيناقتار
4. قۇندىلىعىنا قاراي باسقا تىلدەردە جازىلعان شىعارمالار دا بولۋى مۇمكىن.
باستى تالاپتار:
- شىعارما قازاق تىلىندە (كيريلليتسا قارپىمەن) جولدانۋى ءتيىس.
- شەتەلدە توتە جازۋمەن، لاتىن ارپىمەن جارىق كورگەن شىعارمالار، قازىلار القاسىنىڭ شەشىمىمەن ۇزدىك دەپ تابىلسا، جەكە جيناق رەتىندە باسىلادى.
- باسپادان شىعاتىن ءار كىتاپ سانى - 500 دانا.
- اۆتورلىق دانا - 100.
- كونكۋرسقا اۆتوردىڭ اتى- تەگىن، شىققان تەگى تۋرالى قىسقاشا مالىمەت پەن بايلانىس تەلەفونىن جازىپ، jpeg فورماتتا فوتوسىن جولداۋ قاجەت.
- شىعارمانىڭ تولىق ءماتىنى Times New Roman، كەگەل 14، PDF فورماتتا بولۋى كەرەك.
«اۆتورلار شىعارمانى كونكۋرسقا جىبەرە وتىرىپ، وسى جۇمىسقا اۆتورلىق قۇقىقتىڭ بەرىلۋىنە كەپىلدىك بەرەدى. ۇلتتىق قۇندىلىقتاردى ۇلىقتاپ، قازاقتىڭ رۋحاني قازىناسىن بايىتاتىن ادەبي شىعارمالار جارىق كورىپ، وسكەلەڭ ۇرپاققا ونەگەلى مۇرا بولىپ قالۋى ءتيىس»، - دەپ جازىلعان بايقاۋ شارتىندا.
كونكۋرسقا قاتىسۋ تۋرالى ءوتىنىم مەن ۇسىنىلاتىن تۋىندى 2023 -جىلدىڭ 1- ماۋسىمىنا دەيىن قابىلدانادى. وتىنىمدەر پوشتا ارقىلى استانا قالاسى، د. قونايەۆ كوشەسى 12/1، «وتانداستار قورى» ك ە ا ق مەكەنجايىنا، ەلەكتروندىق نۇسقادا بولسا، [email protected]. ەلەكتروندىق پوشتاسىنا جىبەرىلۋى كەرەك.
اۆتور
ەسىمجان ناقتىباي