تاۋەلسىزدىك سارايى كۇردەلى جوندەۋدەن وتەدى

استانا. قازاقپارات - بيىل ناۋرىزدا ەلورداداعى تاۋەلسىزدىك سارايىنا كۇردەلى جوندەۋ باستالادى، دەپ حابارلايدى قازاقپارات ءتىلشىسى «Astana Venue Management» ج ش س- گە سىلتەمە جاساپ.

الدىمەن، سەرىكتەستىك جەلىدە تاراعان «تاۋەلسىزدىك سارايى سۇرىلەدى» دەگەن اقپاراتتى جوققا شىعاردى.

«الايدا، تەحنيكالىق تەكسەرۋ عيمارات شاتىرىنىڭ مەتال قۇرىلىمىندا اقاۋدىڭ بارىن كورسەتتى. وسى ورايدا، جەكەلەگەن ەلەمەنتتەر بويىنشا كۇردەلى جوندەۋ جۇرگىزىلەدى»، - دەلىنگەن رەسمي اقپاراتتا.

حابارلامادا ايتىلعانداي، جوندەۋ جۇمىستارى بيىل ناۋرىزدا باستالادى دەپ جوسپارلانعان.

«تاۋەلسىزدىك سارايىنا بۇعان دەيىن قايتا جانە كۇردەلى جوندەۋ جۇرگىزىلمەگەن»، - دەپ كورسەتىلگەن حابارلامادا.

ەسكە سالساق، تاۋەلسىزدىك سارايىنىڭ جوندەۋدەن وتەتىنى وسىدان بىرنەشە جىل بۇرىن ءمالىم بولعان ەدى.

ايتا كەتەيىك، استاناداعى تاۋەلسىزدىك سارايىندا مەملەكەتتىك جانە حالىقارالىق دەڭگەيدەگى ايتۋلى ءىس-شارالار ۇيىمداستىرىلادى.