ءدىني كىتاپتاردى كورىنگەن جەردە ساتۋعا بولمايدى - پوليتسيا
«شۋچە قالالىق پوليتسيا ءبولىمىنىڭ قىزمەتكەرلەرى جەرگىلىكتى ساۋدا ۇيلەرىنىڭ بىرىندەگى دۇڭگىرشەكتە «قۇران» كىتابىن رۇقساتسىز ساتۋ دەرەگىن انىقتادى. اكىمشىلىك قۇقىق بۇزۋ تۋرالى كودەكستىڭ 490-بابى بويىنشا ماتەريال جينالىپ، سوتقا جولداندى. بۋراباي اۋداندىق سوتىنىڭ شەشىمىمەن 54 جاستاعى اقمولالىق اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 120750 تەڭگە ايىپپۇل سالىندى»، - دەدى پوليتسيا دەپارتامەنتىنىڭ باسپا ءسوز قىزمەتىنەن.
ۆەدومستۆودان اتاپ وتكەندەي، قولدانىستاعى زاڭناماعا سايكەس ءدىني ادەبيەتتەردى، ءدىني مازمۇنداعى ماتەريالدار مەن ءدىني ماقساتتاعى زاتتاردى تەك بەلگىلەنگەن ورىنداردا عانا تاراتۋعا جول بەرىلەدى.
بۇل - ءدىني عيمارات اۋماقتارى، ءدىني- رۋحاني وقۋ ورىندارى - مەدرەسەلەردە، سەمينارلاردا جانە باسقالارى، سونداي- اق اكىمدىك بەكىتكەن ارنايى ستاتسيونارلىق ءۇي- جايلار.
شۋچينسك قالاسىنىڭ اۋماعىندا وسىنداي 2 ءۇي-جاي بار. وزگە ورىنداردا ءدىني ادەبيەتتەردى جەرگىلىكتى اتقارۋشى ورعانداردىڭ رۇقساتىنسىز ساتۋعا بولمايدى.
ايتا كەتسەك، مۇنىڭ الدىندا 6 مىڭعا جۋىق ادامدى الداعان الاياق 5 جىلعا سوتتالعان ەدى.