امانگەلدى يمانوۆتىڭ سيرەك كەزدەسەتىن سۋرەتى تابىلدى

استانا. قازاقپارات – قوستاناي وبلىسىنىڭ تاريحي-ولكەتانۋ مۇراجايىنان قازاق باتىرى امانگەلدى يمانوۆتىڭ سۋرەتى تابىلدى.

سيرەك كەزدەسەتىن جادىگەردى مۇراجاي قويماسىنداعى قىزمەتكەرلەر كورمە ءۇشىن ماتەريال جيناعان كەزدە تاپقان، - دەپ حابارلايدى «حابار24».

كورمە امانگەلدى باتىردىڭ 150 جىلدىعىنا ارنالعان. ول ءساۋىردىڭ باسىندا استانادا وتەدى. سونىمەن قاتار، يمانوۆتىڭ بالالارى مەن ونىڭ اسكەرباسىلارىنىڭ سۋرەتتەرى دە تابىلعان.

پورترەت 1956 -جىلى ۇلت-ازاتتىق قوزعالىسىنىڭ 40 جىلدىعىنا وراي سالىنعان. ونىڭ اۆتورى - سۋرەتشى نيكولاي كرۋتيلنيكوۆ. پورترەت 15 مىڭ دانا تيراجبەن شىعارىلعان.

«بۇل پورترەت ءبىر رەت قانا كورسەتىلگەن. سول 1956 -جىلدارى. مىنە، 70 جىلدان كەيىن 3 ساۋىردە استانادا ونى كوپشىلىككە ۇسىنباقپىز. سودان كەيىن ول اقتوبە وبلىسىنا جىبەرىلەدى، سول جەردەن ۇسىنىس ءتۇستى»، - قوستاناي وبلىستىق تاريحي-ولكەتانۋ مۇراجايىنىڭ ديرەكتورى باتىرحان جۇماباي.