ءومىردى ساقتاندىرا وتىرىپ، بالانىڭ جوعارى ءبىلىمىن قامسىزداندىرۋ تەتىگى پايدا بولدى

استانا. قازاقپارات - بىلتىر جىل اياعىندا ەل ازاماتتارىنىڭ مەملەكەتتىك ءبىلىم بەرۋ جيناقتاۋ جۇيەسى اياسىندا ەرىكتى ساقتاندىرۋ پوليسىن پايدالانۋ مۇمكىندىگى پايدا بولدى.

ياعني، اتا- انا بالاسىنىڭ جوعارى بىلىمىنە تولەيتىن قاراجات جيناي وتىرىپ، ونىڭ وقۋ مۇمكىندىگىن ءولىم جانە ەڭبەككە جارامسىز بولىپ قالۋ قاتەرىنەن ساقتاندىرا الادى، دەپ حابارلايدى قازاقپارات ءتىلشىسى.

قارجى قالاي جيناقتالادى؟

مىسال كەلتىرسەك، Freedom Life ءومىردى ساقتاندىرۋ كومپانياسى جيناقتىق ساقتاندىرۋ كەلىسىمشارتى اياسىندا بۇكىل شارت مەرزىمى ءۇشىن 8 پايىزعا دەيىن كىرىسكە كەپىلدىك بەرەدى. ونىڭ سىرتىندا مەملەكەت جىل سايىن ساقتاندىرۋدىڭ قانداي ءتۇرىن تاڭداعانىڭىزعا بايلانىستى 5-7 پايىز دەڭگەيىندە سىياقى اۋدارىپ وتىرادى. سونداي- اق 8 پايىزعا دەيىنگى ساقتاندىرۋ تولەمىن كەزەڭ سايىن يندەكستەۋ كوزدەلگەن.

«كەلىسىمشارت مەرزىمى بىتكەن كەزدە اتا- انا قاجەتتى سومانى جيناقتاي السا، ءبىز ۋنيۆەرسيتەتكە جيناقتالعان سومانى مەملەكەتتىك سىياقىلارىمەن قوسا تولەيمىز»، - دەپ ءتۇسىندىردى Freedom Life ماماندارى.

ولاردىڭ ايتۋىنشا، Freedom Life كومپانياسى جيناق شوتىنا اۋداراتىن پايىز اتا- انانىڭ جاسىنا، جىنىسىنا، تاعى وسى سياقتى فاتكورلارعا بايلانىستى ەسەپتەلەدى. ال مەملەكەت تاراپىنان اۋدارىلاتىن پايىز وتباسىنىڭ الەۋمەتتىك ستاتۋسىنا بايلانىستى بولماق. مىسالى، بالا تولىق ەمەس نەمەسە تۇرمىسى جايسىز وتباسىنىڭ مۇشەسى بولسا نەمەسە جەتىم بولسا، ەڭ جوعارى پايىز تولەنەدى.

ال كەزەڭ سايىن كىرىستى يندەكستەۋ تەتىگى جوعارى وقۋ اقىسىن جىل سايىن ءبولىپ تولەيتىن جيناقتارعا قولدانىلماق. ول ءۇشىن Freedom Life جيناقتالىپ جاتقان اقشانى ينۆەستيتسيالىق اينالىمعا سالادى. سونىڭ ارقاسىندا قوسىمشا پايىزدار ءتۇسىپ وتىرادى.

سونداي- اق بالا گرانتقا تۇسسە، جيناقتاعان اقشانى اتا- انا شەشىپ الادى. ال گرانتقا تۇسپەسە، ءبىراق جيناعان اقشا وقۋ اقىسىنان كوپ بولىپ شىقسا، ارتىلعان سوما اتا- اناعا بەرىلەدى. جيناقتالعان سومما شارت بويىنشا بالانىڭ وقۋىنا جۇمسالۋى ءتيىس. ياعني، اتا- انانىڭ اجىراسۋىنا بايلانىستى جيناقتالعان اقشا ەكەۋارا بولىنبەيدى.

ساقتاندىرۋ نە ءۇشىن قاجەت؟

بالاسىنىڭ وقۋىنا اقشا جيناقتاپ جۇرگەن اتا- انا قايتىس بولسا نەمەسە ەڭبەككە جارامسىز بولىپ قالسا، كەلىسىمشارتتىڭ تالاپتارى كۇشىندە قالادى. ياعني، كومپانيا اتا- انا كەلىسىمشارت بويىنشا جيناقتاۋعا ءتيىس بولعان سومانى بالاعا وتەپ بەرەدى. بۇل جەردە كەلىسىمشارت مەرزىمى اياقتالعاندا جيناقتالىپ تۇرۋعا ءتيىس سوما تولىق جيناقتالماعان جاعدايدا كومپانيا جەتپەي تۇرعان سومانى ءوز ەسەبىنەن تولىقتىرادى. ءبىراق بۇل وقۋ باعاسى كەلىسىمشارت جاسالعان كەزدەگىدەن قىمباتتاپ كەتسە، بۇكىل اقىنى ساقتاندىرۋ كومپانياسى وتەيدى دەگەن ءسوز ەمەس. ياعني ەگەر وقۋ اقىسى جيناقتالعان كەپىلدەندىرىلگەن ساقتاندىرۋ سوماسىنان قىمبات بولعان جاعدايدا سالىمشى ايىرماشىلىعىن ءوز قالتاسىنان تولەيدى.

كۇتپەگەن جايتتارعا كىم كەپىلدىك بەرەدى؟

بۇل كومپانيانىڭ جيناقتىق ساقتاندىرۋ ونىمدەرىنە تولىقتاي ساقتاندىرۋ تولەمدەرىنە كەپىلدىك بەرۋ قورى كەپىلدىك بەرەدى. بۇل بالانىڭ جوعارى ءبىلىم الاتىنىنا مەملەكەت تاراپىنان %100 كەپىلدىك بار دەگەن ءسوز.

وزگە دە ءتيىمدى تۇستارى

مۇنداي باعدارلامالار اياسىندا سالىق شەگەرىمدەرى دە قاراستىرىلعان. ساقتاندىرۋشىلاردىڭ سوزىنە قاراعاندا، مەملەكەتتىك ءبىلىم بەرۋ جيناقتاۋ جۇيەسىن تۇتىنۋشىلاردىڭ جىل سايىنعى سالىق الىناتىن تابىستىڭ كولەمىن 320ايلىق ەسەپتىك كورسەتكىشكە دەيىن تومەندەتۋ مۇمكىندىگى بار.

«سالىقتىڭ ۇستالۋىنا بايلانىستى ايتساق، ءسىز جۇمىس ورنىڭىزدىڭ بۋحگالتەرياسىنا شارت بويىنشا ساقتاندىرۋ سالىمىن تولەپ جاتقانىڭىز تۋرالى ءوتىنىم قالدىرۋىڭىز قاجەت. وسىلايشا تابىسىڭىزعا سالىناتىن سالىقتى ساقتاندىرۋ پرەمياسى كولەمىندە ازايتا الاسىز. مىسالى، ەگەر ايلىعىڭىز 300000 تەڭگە بولسا، بىزدەگى ساقتاندىرۋ شارتى بويىنشا اي سايىن 150000 تەڭگە سالىم جاساساڭىز، وندا سالىق تەك 150000 تەڭگەگە سالىنادى. ياعني، ايلىعىڭىزدان الىناتىن %10 جەكە تابىس سالىعى 300 مىڭ تەڭگەدەن ۇستالمايدى. ساقتاندىرۋ سالىمىن الىپ تاستاعاندا قالعان سومادان ۇستالادى»، - دەپ ءتۇسىندىردى Freedom Life ماماندارى.

بالا وقۋىنا اقشانى قالاي جيناپ باستاۋ كەرەك؟

1 قادام. قازاقستاندىق نەمەسە شەتەلدىك ۋنيۆەرسيتەتتى تاڭداۋ.

2 قادام. ساقتاندىرۋ مەرزىمىن، جارنا سوماسىن جانە تولەم جيىلىگىن تاڭداۋ. جيناقتاۋ كەستەسىن جوسپارلاۋعا Freedom Life كومپانياسىنىڭ مەنەدجەرى كومەكتەسەدى.

3 قادام. Freedom Life ءومىردى ساقتاندىرۋ كومپانياسىمەن كەلىسىمشارت بەكىتۋ.

اۆتور

ەسىمجان ناقتىباي