قازاقستاندىق ءانشى قىز تاعى دا ا ق ش جۇرتشىلىعىن ونەرىمەن ءتانتى ەتتى

None
الماتى. قازاقپارات- 16 جاستاعى قازاقستاندىق ءانشى دانەليا تولەشوۆا America' s Got Talent شوۋىندا تاعى دا ونەر كورسەتتى، دەپ حابارلايدى قازاقپارات ءتىلشىسى.

قازاقستاندىق جاس ءانشى تانىمال شوۋدىڭ ءبىرىنشى كەزەڭىندە گوللانديالىق ءانشى Arcade دۋنكانا لوۋرەنستىڭ اعىلشىن تىلىندەگى ءانىن تاڭدادى. ول ادەتتەگىشە ءادىلقازىلار مەن كورەرمەندەردىڭ ىستىق ىقىلاسىنا بولەندى. ولار ورنىنان تۇرىپ، قول شاپالاقتادى. قازىلار القاسىنىڭ قۇرامىندا بولعان اكتريسا ءارى تەلەجۇرگىزۋشى حايدي كلۋم قازاقستاندىق ءانشىنىڭ ونەرىن جوعارى باعالادى.

ساحناعا شىققان دانەليا قازىلار مەن كورەرمەندەرگە ءوزى تۋرالى ايتىپ، تانىمال شوۋعا تالانتى مەن قابىلەتىن كورسەتۋ ءۇشىن تاعى كەلگەنىن مالىمدەدى.

ەسكە سالايىق قازاقستاندىق ءانشى دانەليا تولەشوۆا 2020-جىلى ا ق ش- تا وتكەن America' s Got Talent ونەر دوداسىنا قاتىسىپ، اقتىق سىنىنا جولداما العان بولاتىن.

ايتا كەتەر بولساق، دانەليا America’s Got Talent شوۋ جوباسىندا قازىلار القاسىن تاڭ قالدىرعان بولاتىن. ونىڭ ونەرىنە ءتانتى بولعان زال تىك تۇرىپ، قول سوقتى.

سوڭعى جاڭالىقتار