قازاقستاندا ايەلدەردىڭ زەينەتكە شىعۋ جاسى ءار بالا تۋعان سايىن قىسقارتىلا ما
«قازاقستاندا بازالىق، ىنتىماقتى جانە جيناقتاۋشى زەينەتاقى كومپونەنتتەرىن قامتيتىن ءۇش دەڭگەيلى زەينەتاقى جۇيەسى جۇمىس ىستەيدى. ونىڭ مولشەرى ەڭبەك وتىلىنە بايلانىستى ايقىندالادى. بۇعان قوسا، ايەلدەر ءۇشىن ولاردىڭ جۇمىس ەرەكشەلىكتەرىن ەسكەرە وتىرىپ، ەڭبەك ءوتىلىن ەسەپتەۋدە جەڭىلدىكتەر قاراستىرىلادى. ايتالىق، زەينەتاقى تولەمىن تاعايىنداۋ بارىسىندا ايەلدەردىڭ ەڭبەك وتىلىنە بالا كۇتىمىنە بايلانىستى انالاردىڭ جۇمىس ىستەمەگەن ۋاقىتى دا ەسەپكە الىنادى. سونىمەن قاتار بالا كۇتىمىنە بايلانىستى دەمالىستاعى جۇمىس ىستەيتىن ايەلدەردىڭ جيناقتاۋشى زەينەتاقى جۇيەسىنە ۇزدىكسىز قاتىسۋىن قامتاماسىز ەتۋ ماقساتىندا 2014-جىلدان بەرى رەسپۋبليكالىق بيۋجەتتەن مىندەتتى زەينەتاقى جارناسىن سۋبسيديالاۋ جۇرگىزىلەدى»، - دەپ اتاپ وتەدى ۇكىمەت باسشىسى جاۋابىندا.
ونىڭ اتاپ وتۋىنشە، مەملەكەت باسشىسىنىڭ تاپسىرماسىنا سايكەس، وسى جىلدان باستاپ بالا كۇتىمىنە بەرىلەتىن جاردەماقى 1,5 جىلعا دەيىن ۇزارتىلدى. وعان دەيىن بالا 1 جاسقا تولعانعا دەيىن جاردەماقى تولەنىپ كەلگەن ەدى.
«جيناقتاۋشى زەينەتاقى جۇيەسى قولدانىسى كەزىندە ايەلدەر ءۇشىن زەينەتكە شىعۋ جاسىن ءار بالا ءۇشىن 2 جىلعا قىسقارتۋ ولاردى بولاشاقتا لايىقتى زەينەتاقى تولەمىمەن قامتاماسىز ەتە المايدى. بۇعان قوسا، مەملەكەت باسشىسىنىڭ 2022-جىلدىڭ 1- قىركۇيەگىندەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىنا سايكەس 2023-جىلدان باستاپ ايەلدەردىڭ زەينەت جاسىن ارتتىرۋ 2028-جىلعا دەيىن 61 جاس دەڭگەيىندە توقتاتىلدى. جالپى، زەينەتاقى جۇيەسىن جەتىلدىرۋ جۇمىسى جالعاسۋدا جانە وكىلەتتى ورگان مەن ۇكىمەتتىڭ تۇراقتى باقىلاۋىندا»، - دەدى ءاليحان سمايىلوۆ.