شەتەلدىكتەردىڭ قازاقستاندا تۇراقتى تۇرۋىنا رۇقسات بەرۋ ءتارتىبى وزگەردى
قازاقستاندا ولارمەن كوشى-قون كەلىسىمدەرى بار ەلدەردىڭ ازاماتتارى ءبىزدىڭ ەلىمىزگە ىشكى قۇجاتتارمەن كىرە الادى، شىعا الادى، ترانزيتپەن وتە الادى، جۇرە الادى جانە ۋاقىتشا بولا الادى. الايدا، شەتەلدىكتىڭ قازاقستان رەسپۋبليكاسىندا تۇراقتى تۇرۋىنا رۇقسات الۋى ءۇشىن شەتەل ازاماتىنىڭ نەمەسە ازاماتتىعى جوق ادامنىڭ جەكە باسىن كۋالاندىراتىن جانە ولاردىڭ قۇقىقتىق مارتەبەسىن راستايتىن قۇجات رەتىندە شەتەلدىك پاسپورت قاجەت.
قولدانىستاعى زاڭناماعا سايكەس كەلتىرۋ ءۇشىن 6-قاڭتار كۇنى ءى ءى م- ءنىڭ بۇيرىعىمەن تۇراقتى تۇرۋعا رۇقساتتار رەسىمدەۋ قاعيدالارىنا وزگەرىستەر ەنگىزىلدى.
ەندى شەتەلدىكتەرگە تۇراقتى تۇرۋعا ءوتىنىش بەرگەن كۇنى جارامدىلىق مەرزىمى كەمىندە 180 كۇنتىزبەلىك كۇندى قۇرايتىن ءوزىنىڭ شەتەلدىك پاسپورتىن ۇسىنۋ قاجەت. ۋاقىتشا تۇرۋعا رۇقساتتار الۋ ءۇشىن تۇرعىن ءۇي يەسىنىڭ، ونىڭ اتىنان سەنىمحات بويىنشا ارەكەت ەتەتىن ادامنىڭ بارۋى نە بولماسا مەنشىك يەسىنىڭ نوتاريالدى راستالعان كەلىسىمى قاجەت. وزگەرىستەرگە سايكەس رۇقساتتى رەسىمدەگەن كەزدە كورسەتىلەتىن مەكەنجايدا ونىڭ تىركەۋ كودى بولۋى ءتيىس.
وسى شارالار شەتەلدىكتەردى جوق مەكەنجايلارعا، سونداي-اق ءوتىنىش يەسىنە قاتىسى جوق مەكەنجايلارعا تىركەۋ مۇمكىندىگىن جويۋ ماقساتىندا قابىلداندى.