قازاقستاندىق قۇتقارۋشىلاردىڭ ەكىنشى توبى تۇركياعا بارادى

None
استانا. قازاقپارات- قازاقستان ت ج م قۇتقارۋشىلارىنىڭ تاعى ءبىر بورتى جويقىن جەر سىلكىنىسىنىڭ سالدارىن جويۋعا كومەك كورسەتۋ مۇمكىندىكتەرىن كەڭەيتۋ ءۇشىن تۇركياعا ۇشادى. ءتيىستى تاپسىرمانى قازاقستان پرەزيدەنتى قاسىم- جومارت توقايەۆ بەردى. بۇل تۋرالى ت ج م حابارلايدى.

ەكىنشى ەشەلون قۇرامىندا جەكە قۇرامنان 60 ادام، ولاردىڭ ىشىندە ت ج م قۇتقارۋشىلارى، اپاتتار مەديتسيناسى ورتالىعىنىڭ دارىگەرلەرى، كينولوگيالىق ەسەپتەرى بار.

ت ج م جەدەل ارەكەت ەتۋ كۇشتەرىندە اۆاريالىق- قۇتقارۋ قۇرالدارى مەن جابدىقتاردىڭ 150-گە جۋىق جانە ءدارى- دارمەكتەردىڭ 160-تان استام ءتۇرى بار.

جەر سىلكىنىسىنىڭ سالدارىن جويۋ جونىندەگى ورتالىق شتابپەن كەلىسە وتىرىپ، قازاقستان ت ج م ەكىنشى توبى گازيانتەپ قالاسىنداعى ىزدەستىرۋ- قۇتقارۋ جۇمىستارىنا قوسىلاتىن بولادى. تۇركياعا تارتىلعان قازاقستاندىق قۇتقارۋشىلاردىڭ جالپى سانى 100 ادامدى قۇرايدى.

ت ج ءمينيسترى يۋري يلين قۇتقارۋشىلاردى جونەلتۋدىڭ الدىندا نۇسقاۋلىق وتكىزدى. ول قۇتقارۋشىلارعا ادامداردى ىزدەۋ جانە قۇتقارۋ بويىنشا جاۋاپتى مىندەتتەر جۇكتەلگەنىن، سونداي- اق تۇركيا ازاماتتارىنىڭ جەر سىلكىنىسىنىڭ سالدارىمەن تەزىرەك كۇرەسۋ مۇمكىندىگىنە دەگەن ءۇمىتىن اتاپ ءوتىپ، قۇتقارۋشىلارعا تۋىستارى مەن جاقىندارى اراسىنا امان- ەسەن ورالۋىن تىلەدى.

تۇركياعا جىبەرىلگەن قازاقستاندىق قۇتقارۋشىلار تاجىريبەلى ماماندار بولىپ تابىلادى، ولاردىڭ ازاماتتاردى قۇتقارۋدا جانە ءارتۇرلى توتەنشە جاعدايلاردى جويۋدا پراكتيكالىق داعدىلارى مول.

ايتا كەتسەك، بۇعان دەيىن قازاقستاندىق قۇتقارۋشىلاردىڭ العاشقى لەگى جەر سىلكىنىسى سالدارىن جويۋعا كومەك كورسەتۋ ءۇشىن الماتىدان تۇركياعا اتتاندى.

ونىڭ قۇرامىندا قازاقستاننىڭ رەسپۋبليكالىق جەدەل قۇتقارۋ جاساعىنىڭ قۇتقارۋشىلارى، مەديتسينالىق قىزمەتكەرلەر جانە قۇتقارۋشى يتتەر بار.

تۇركيا پرەزيدەنتى رەجەپ تايىپ ەردوعان ەلدىڭ وڭتۇستىك- شىعىسىندا بولعان جويقىن جەر سىلكىنىسىنە بايلانىستى 12- اقپانعا دەيىن جەتى كۇندىك ۇلتتىق ازا تۇتۋ جاريالادى.

سوڭعى مالىمەت بويىنشا تۇركياداعى ەكى جويقىن جەر سىلكىنىسىنەن قازا تاپقاندار سانى 5834-كە جەتتى، 34810 ادام جاراقات الدى.

سوڭعى جاڭالىقتار