جاعداي وتە قيىن - تۇركياداعى قازاقستاندىق قۇتقارۋشىلار قالاي جۇمىس ىستەپ جاتىر

استانا. قازاقپارات - قازاقستاندىق قۇتقارۋشىلار تۇركيادا جويقىن ءزىلزالا بولعان جەردە جەدەل ىزدەستىرۋ-قۇتقارۋ جۇمىستارىن جالعاستىرۋدا، دەپ حابارلايدى قازاقپارات.

ت ج م ءبىرىنشى ۆيتسە-ءمينيسترى يبراگيم قۇلشىمبايەۆتىڭ ايتۋىنشا، جەر سىلكىنىسى بولعان ورىندا جاعداي وتە كۇردەلى.

«قازىرگى ۋاقىتتا اتاتۇرىك كوشەسىندە ۇيىندىلەردى تەكسەرۋ جۇمىستارى جۇرۋدە. ق ر ت ج م قۇتقارۋشىلار توبى ەكىگە بولىنگەن. نەگىزگى توپ وسىدان 100 مەتر جەردە ءبىر نىساندا جۇمىس ىستەپ جاتىر. ەكىنشى توپتاعى 10 ادام وسىندا تۇرىك قۇتقارۋشىلارىنا ۇيىندىلەردى تەكسەرۋگە كومەكتەسۋدە. ويتكەنى ءۇي تولىق قيراعان، ونىڭ استىندا بىرەۋ قالسا، جەدەل قۇتقارۋ كەرەك»، - دەدى ءبىرىنشى ۆيتسە-مينيستر اگەنتتىك تىلشىسىنە بەرگەن سۇحباتتا.

سونداي-اق قالادا ۆولونتەرلەر مەن جەرگىلىكتى تۇرعىندار ىستىق تاماق بەرۋدى ۇيىمداستىرعان، قالا اكىمشىلىگىنىڭ باسشىلارى دا اپات ورىندارىندا ءجۇر.

ەسكە سالا كەتسەك، تۇركياداعى ەكى جويقىن جەر سىلكىنىسىنەن قازا تاپقاندار سانى 5834 كە جەتتى، 34810 ادام جاراقات الدى.

سونىمەن قاتار بۇگىن جەرگىلىكتى ۋاقىتپەن تۇنگى ساعات 03:22 تۇركيادا 4 بالدىق تاعى دا جەر سىلكىنىسى بولدى.

قازاقستان تۇركياعا شۇعىل كومەك رەتىندە 1 ميلليون دوللار بەرەدى.