ا ق ش قازاقستاندىق بانككە سالىنعان سانكسيانى الىپ تاستاماق

استانا. قازاقپارات - قازاقستاندىق «Bereke bank» بانككە سالىنعان سانكسيا الىنىپ تاستالماق. بۇل اقپاراتتى قازاقپاراتقا بانكتىڭ وكىلى نۇرگۇل سالىقجانوۆا راستادى.

«ءيا، بۇل اقپارات راس. ا ق ش- تىڭ قارجى مينيسترلىگى بۇعان دەيىن «Bereke bank» سالىنعان سانكسيانى وسى جىلدىڭ ناۋرىز ايىندا الىپ تاستايدى»، - دەدى نۇرگۇل سالىقجانوۆا.

ەسكە سالساق، وتكەن جىلى قىركۇيەكتە «بايتەرەك» حولدينگى رەسەيلىك «سبەربانك قازاقستاندى» ساتىپ العان ەدى.

كەيىن قازاقستان «سبەربانك قازاقستانعا» رەبرەندينگ جۇرگىزىپ «Bereke bank» دەپ وزگەرتتى.

سونىمەن قاتار «Bereke Bank» - ءتىڭ شىعىنىن قازاقستان مەملەكەتى وتەمەيدى.

«مەملەكەت بانكتىڭ ەشقانداي شىعىنىن وتەمەيدى. بانك ساتىلعانعا دەيىن كەلگەن شىعىنداردىڭ بىزگە قاتىسى جوق. بۇل - بانكتىڭ بۇعان دەيىنگى اكسيونەرى وزىنە قابىلداپ العان شىعىندار. ياعني، 1- قىركۇيەككە دەيىن بولعان دۇنيەنىڭ ءبارىنىڭ بىزگە تىكەلەي قاتىسى جوق. بۇكىل شىعىندار بىزگە ەمەس، بۇعان دەيىنگى اكسيونەرىنىڭ موينىندا قالدى»، - دەدى «بايتەرەك» باسشىسى قانات شارلاپايەۆ.