الماتىدا كۇرەستەن قازاقستان جازعى سپارتاكياداسى مارەسىنە جەتتى
بالۋانداردان ەڭ سوڭعى بولىپ ەركىن كۇرەس شەبەرلەرى مەدالداردى ساراپقا سالدى.
كەشە جامبىلدىقتار راحات قالجان مەن سانجار مۇحتار 57 جانە 65 كەلى سالماقتا توپ جاردى. 74 كەلى سالماقتا فينالدا 2016-جىلى قازاق بالۋاندارى اراسىندا العاش رەت الەم چەمپيوناتىنىڭ كۇمىس جۇلدەگەرى اتانعان ب ق و- نىڭ تۋماسى، بۇل جولى استانا اتىنان كىلەمگە شىققان نۇرلان بەكجانوۆتى ۇتقان شىمكەنتتىك دارحان ەسەنعالي ۇزدىك شىقتى. وسى سالماقتا الەم چەمپيوناتىنىڭ جۇلدەگەرلەرى نۇرعوجا قايپانوۆ پەن دانيار قايسانوۆتىڭ مەدالسىز قالۋى باسەكەلەستىكتىڭ كۇشەيە تۇسكەنىن كورسەتكەندەي.
سونداي-اق شىعىس قازاقستاندىق ازامات داۋلەتبەكوۆ 86 كەلى، استانالىق بەكزات ۇركىمباي 97 كەلى سالماقتا جەڭىس تۇعىرىنا كوتەرىلدى.
بۇگىن جالعاسقان دودادا تۇركىستاندىق نۇربولات ابدۋالييەۆ 61 كەلى، استانالىق سانجار دوستانوۆ 70 كەلى، اتىراۋلىق بولات ساقاۋوۆ 79 كەلى، الماتى قالاسىنىڭ وكىلى ريزابەك ايتمۇحان 92 كەلى جانە اقتوبەلىك يۋسۋپ باتىرمۇرزايەۆ 125 كەلى سالماقتا ۇزدىك اتاندى.
جالپى ەسەپتە جامبىل وبلىسى كوش باستاسا، استانالىقتار ەكىنشى، پاۆلودارلىقتار ءۇشىنشى ورىنعا كوتەرىلدى.
وسىلايشا، كۇرەس تۇرلەرىنەن قازاقستان سپارتاكياداسى اياقتالدى.
ەسكە سالا كەتەيىك، بۇدان بۇرىن كىلەمگە قايتا ورالعان المات كەبىسپايەۆتىڭ گرەك-ريم كۇرەسىنەن سپارتاكيادا چەمپيونى اتانعانىن جازعان بولاتىنبىز.
سونداي-اق وليمپيادا جۇلدەگەرى ەلميرا سىزدىقوۆا تۋعان كۇنىندە سپارتاكيادا جەڭىمپازى اتاندى.