18:51, 07 - اقپان 2023 | GMT +6
قازاقستان جاس وسپىرىمدەر قۇراماسى وزبەك فۋتبولشىلارىن ويسىراتا ۇتتى
استانا. قازاقپارات - 17 جاسقا دەيىنگى قازاقستان جاس وسپىرىمدەر قۇراماسى بەلارۋس استاناسى مينسكىدە ءوتىپ جاتقان «دامۋ كۋبوگى-2023» حالىقارالىق تۋرنيرىندە وزبەك فۋتبولشىلارىن 3:0 ەسەبىمەن ۇتتى.
الەكساندر كۋزنەتسوۆ جاتتىقتىراتىن ۇلتتىق قۇراما جارىستاعى ەكىنشى جەڭىسىنە قول جەتكىزدى. ءبىرىنشى ويىندا رەسەي جاس وسپىرىمدەر قۇراماسىن 1:0 ەسەبىمەن ۇتقان بولاتىن.
وزبەكستان جاس وسپىرىمدەر قۇراماسى قاقپاسىنا قازاق ويىنشىلارى قاتارىنان ءابىل ءىلياس، تەمىرلان اعىمانوۆ جانە ۆيكتور لاكەيەۆ گول سوقتى.
قازاقستان جاس وسپىرىمدەرى كەلەسى ويىنىن 9- اقپان كۇنى بەلارۋسكە قارسى وتكىزەدى. كەزدەسۋ ەلوردا ۋاقىتىمەن 21:00 دە باستالادى.