مينيسترلىكتىڭ قاتىسۋىن تالاپ ەتەتىن ماسەلەلەردىڭ شەشىلەتىن كۇنى الىس ەمەس - اسحات ورالوۆ
اسحات ورالوۆتىڭ سوزىنشە، پرەمەر- ءمينيستردىڭ ورىنباسارى التاي كولگىنوۆپەن مادەنيەت ۇيىمدارىن ارالادى.
سونداي- اق كەزدەسۋدىڭ قورىتىندىسى بويىنشا مينيسترلىكتىڭ قاتىسۋىن تالاپ ەتەتىن ماسەلەلەردىڭ شەشىلەتىن كۇن الىس ەمەس ەكەنىن مالىمدەدى.
«م. اۋەزوۆ اتىنداعى قازاق ۇلتتىق دراما تەاترىنىڭ جۇمىسىمەن تانىستىم. اسانالى ءاشىموۆ، تۇڭعىشباي جامانقۇلوۆ، مۇرات اۋەزوۆ سىندى مادەنيەت جانە ونەر قايراتكەرلەرىمەن جانە باسقا دا بەلگىلى سالا مايتالماندارىمەن كەزدەسۋ وتكىزدىم. كەزدەسۋدە ايتىلعان ماسەلەلەردى شەشۋ ءۇشىن بارلىق قاجەتتى جۇمىستاردى جۇرگىزەتىن بولامىز: ماتەريالدىق- تەحنيكالىق جاراقتاندىرۋ، قىزمەتكەرلەردىڭ ەڭبەكاقىسى جانە ت. ب.
ايگىلى تەاتر عيماراتىن قالپىنا كەلتىرۋ بويىنشا دايىندىق جۇمىستارىنىڭ بارىسىن زەردەلەدىك.
ودان كەيىن اباي اتىنداعى قازاق ۇلتتىق وپەرا جانە بالەت تەاترىندا بولدىم.
مۋزىكانتتارمەن، بالەت ترۋپپاسىمەن، تىگىن سەحتەرىنىڭ قىزمەتكەرلەرىمەن كەزدەسىپ تەاتردىڭ ىشكى ومىرىمەن تانىستىم.
الماتى قالاسىنداعى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ وقىتۋشىلارمەن دە كەزدەستىم. باسقوسۋدا ايتىلعان ۇسىنىس- پىكىرلەردى مۇقيات تىڭداپ نازارعا الدىق.
سونىمەن قاتار، زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحاناعا باردىم.
مينيسترلىكتىڭ قاتىسۋىن تالاپ ەتەتىن ماسەلەلەردىڭ شەشىلەتىن كۇنى الىس ەمەس»، - دەپ جازدى مادەنيەت جانە سپورت ءمينيسترى.
اۆتور
دۋمان ارعىنگەلدى