قازاقستاندىق بوكسشى ءۇشىنشى قارسىلاسىن دا نوكاۋتپەن جەڭدى
22 جاستاعى قازاقستاندىق گەرمانيادا وتكەن بوكس كەشىندە ونەر كورسەتىپ، تاجىريبەلى بوسنيالىق دجورنيمەن ميلوش يانيانينمەن (16-40, 13 ك و) كەزدەستى.
ءبىرىنشى ورتا سالماقتاعى جەكپە- جەك ءتورت راۋندقا ەسەپتەلگەن، الايدا ايقاس ۇزاققا سوزىلمادى: ءۇشىنشى راۋندتا تەمىروۆ قارسىلاسىن نوكداۋنعا جىبەردى، سودان كەيىن تورەشى قازاقستاندىق بوكسشىنىڭ تەحنيكالىق نوكاۋتپەن جەڭىسكە جەتكەنىن تىركەدى.
وسىلايشا ۆيكتور تەمىروۆ كاسىبي مانسابىندا ءۇشىنشى مارتە جەڭىسكە جەتتى.
ول بارلىعىندا نوكاۋتپەن جەڭگەن.
ال ميلوش يانيانين 41- مارتە جەڭىلىسكە ۇشىرادى.
تەمىروۆتىڭ لاقاپ اتى «قاساپشى» ەكەنىن ايتا كەتەيىك. ءبىراق نەمىس جانكۇيەرلەرى ۆيكتوردى ايگىلى وتانداسىمەن سالىستىرىپ، «جاس گولوۆكين» دەپ اتادى.
ەسكە سالا كەتەيىك، كەشە قازاقستاندىق ەكى بوكسشىنىڭ گەرمانياداعى ايقاس الدىندا سالماق ولشەگەنىن حابارلاعان ەدىك.