ا ق ش مۇحيتتىڭ ۇستىندە ۇشىپ جۇرگەن قىتاي اەروستاتىن اتىپ ءتۇسىردى

None
استانا. قازاقپارات - وڭتۇستىك كارولينا جاعالاۋىندا اتلانت مۇحيتىنىڭ ۇستىنەن ۇشىپ بارا جاتقان قىتاي اەروستاتى اتىپ ءتۇسىرىلدى. قازىر سۋعا تۇسكەن قالدىقتاردى تازارتۋ وپەراتسياسى ءجۇرىپ جاتىر.

ا ق ش پرەزيدەنتى دجو بايدەن ۇشقىشتاردى تاپسىرمانىڭ ءساتتى ورىندالۋىمەن قۇتتىقتادى، دەپ حابارلايدى قازاقپارات Euronews-كە سىلتەمە جاساپ.

بۇعان دەيىن ا ق ش اسپانىندا جۇمباق شار پايدا بولىپ، ونى پەنتاگون تىڭشىلىق جاساپ جۇرگەن قىتايدىڭ وبەكتىسى دەپ مالىمدەگەن.

وسىعان بايلانىستى ا ق ش مەملەكەتتىك حاتشىسى ەنتوني بلينكەن قىتايعا ساپارىنان باس تارتقان بولاتىن.

بەيجىڭ مۇنىڭ قاتە ەكەنىن ايتىپ، اسىعىس شەشىم قابىلداماۋعا شاقىردى.

«قىتايدىڭ امەريكا قۇراما شتاتتارىنىڭ ۇستىنەن بارلاۋ اەروستاتىن ۇشىرۋ شەشىمى اقىلعا سىيمايدى، بۇل - جاۋاپسىزدىق. ماسەلە وسىندا. بۇل - ءبىزدىڭ ەگەمەندىگىمىزدى بۇزۋ. بۇل - حالىقارالىق قۇقىقتى بۇزۋ. جوسپارلانعان ساپار الدىنداعى مۇنداي قادام ءبىز تالقىلايمىز دەپ وتىرعان تاقىرىپتارعا، كەلىسسوزگە زيانىن تيگىزەدى»، - دەيدى ا ق ش مەملەكەتتىك حاتشىسى.

ەنتوني بلينكەن ا ق ش- تىڭ قىتايمەن ديپلوماتيالىق بايلانىسقا مۇددەلى ەكەنىن جانە مۇمكىندىك بولعان كەزدە بەيجىڭگە بارۋدى جوسپارلاپ وتىرعانىن ايتتى.

سونىمەن قاتار، ا ق ش قىتايمەن بايلانىس ارنالارىن ۇنەمى اشىق ۇستايدى.

بۇعان دەيىن سەنبى كۇنى قىتاي بيلىگى اۋە شارىنىڭ ا ق ش اۋە كەڭىستىگىنە كەزدەيسوق ءوتىپ كەتۋىنە بايلانىستى ا ق ش- تىڭ شابۋىلدارى مەن جاپقان جالاسىنا توزبەيتىنىن مالىمدەدى.

سوڭعى جاڭالىقتار