قىتاي پەنتاگون اتىپ تۇسىرگەن زوندقا بايلانىستى نارازىلىق ءبىلدىردى
بەيجىڭ ۆاشينگتوننىڭ امەريكا قۇراما شتاتتارىنىڭ اۋماقتىق سۋىنىڭ ۇستىندەگى نىساندى اتىپ ءتۇسىرۋ شەشىمىن ايىپتادى. بەيمالىم نىساندى ۆاشينگتون «قىتايلىق بارلاۋشى زوند» دەپ اتاعان ەدى.
مۇنى قىتاي سىرتقى ىستەر مينيسترلىگىنىڭ جەكسەنبى كۇنى جاريالاعان مالىمدەمەسىنەن كورۋگە بولادى.
ق ح ر ا ق ش- تى «شامادان تىس رەاكسيا كورسەتىپ، حالىقارالىق تاجىريبەنى ورەسكەل بۇزدى» دەپ ايىپتاپ وتىر.
بەيجىڭ «پيلوتسىز باسقارىلاتىن ۇشۋ اپپاراتى» دەپ سيپاتتاعان نىسانعا ا ق ش- تىڭ شابۋىل جاساپ، كۇش قولدانۋىنا قىتاي بارىنشا نارازى جانە قارسى» دەيدى ۆەدومستۆو.
ق ح ر س ءى م ءارى قاراي ءتيىستى جاۋاپ قايتارۋ قۇقىعىن وزىنە قالدىرادى.
ەسكە سالايىق، 4-اقپاندا ا ق ش وڭتۇستىك كارولينا جاعالاۋىندا اتلانت مۇحيتىنىڭ ۇستىنەن ۇشىپ بارا جاتقان قىتاي اەروستاتىن اتىپ تۇسىرگەن بولاتىن.
بۇعان دەيىن ا ق ش اسپانىندا جۇمباق شار پايدا بولىپ، ونى پەنتاگون تىڭشىلىق جاساپ جۇرگەن قىتايدىڭ وبەكتىسى دەپ مالىمدەگەن.
بەيجىڭ مۇنىڭ قاتە ەكەنىن ايتىپ، اسىعىس شەشىم قابىلداماۋعا شاقىردى.