ينتەرنەت- الاياقتار جوق كولىكتى ساتىپ، جۇرتتى الداپ جاتىر

پەتروپاۆل. قازاقپارات - سولتۇستىك قازاقستان وبلىسىندا ءىس جۇزىندە جوق كولىك ساتىلاتىنى تۋرالى حابارلاندىرۋلار جيىلەپ كەتتى.

الاياقتار ارزان كولىككە قىزىققاندارعا ءتۇرلى سىلتاۋمەن الدىن الا تولەم جاساتىپ، كەيىن بايلانىستى ءۇزىپ وتىرعان، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ينتەرنەت- الاياقتار الەۋمەتتىك جەلىدە ۇستالعان اۆتوكولىكتەردى ساتۋ تۋرالى جالعان حابارلاندىرۋلار جاريالاعان. ادەتتە ول 1990 -جىلدارى شىققان شەتەلدىك ماركالى اۆتوكولىكتەر. قىزىعۋشىلىق تانىتقاندارعا تەك WhatsApp ارقىلى حابارلاسۋدى سۇرايدى.

اۋداندا ۇيالى بايلانىستىڭ ناشارلىعىن ءسوز ەتىپ، ۆيدەوقوڭىراۋعا جاۋاپ بەرمەيدى. بۇدان بولەك، «كولىكتىڭ» باعاسىن ودان سايىن ءتۇسىرىپ، كىشكەنتاي بالاسىنىڭ ناۋقاس ەكەنىن، اقشاعا وتە مۇقتاج ەكەنىن ايتادى. سەنىمگە كىرگەننەن كەيىن، الدىن الا تولەم الادى. كەيىن بايلانىسقا شىعۋدى توقتاتادى.

«جابىرلەنۋشىلەر «ساتۋشىنى» ىزدەپ، شال اقىن اۋدانىنىڭ ورتالىعى سەرگەيەۆكا قالاسىنا كەلىپ، ۋادە ەتىلگەن كولىكتى ىزدەگەن، ءبىراق حابارلاندىرۋدا كورسەتىلگەن مەكەنجايدا مۇلدەم كولىگى جوق ادامدار تۇراتىنىن انىقتاعان. وسىدان ەكى جىل بۇرىن الاياقتاردىڭ بۇل ءتاسىلى تۋرالى ب ا ق- تا جانە الەۋمەتتىك جەلىلەردە جاريالاعاننان كەيىن مۇنداي جاعدايلار توقتاعان ەدى. ەندى بيىلدىققا ەكى فاكتى تىركەلىپ وتىر.

ەگەر ساتۋشىنىڭ ادالدىعىنا تولىق سەنىمدىلىك بولماسا، ادامداردان الدىن الا تولەم جاساۋعا كەلىسپەۋىن سۇرايمىز. بەينەقوڭىراۋ ارقىلى سويلەسۋدى تالاپ ەتكەن ءجون. الاياقتار ادەتتە بەت- الپەتىن جاسىرىپ، سويلەسۋگە كەلىسپەيدى»، - دەيدى س ق و پ د كريمينالدىق پوليتسيا باسقارماسىنىڭ باستىعى مارات جۇماليەۆ.

س ق و پوليتسەيلەرى الاياقتىق بولۋى مۇمكىن حابارلاندىرۋلاردى انىقتاۋ ءۇشىن ۆەب- كەڭىستىككە مونيتورينگ جۇرگىزەدى. وتكەن جىلى قىلمىسكەرلەر ءوڭىر تۇرعىندارىنىڭ سەنىمىنە كىرىپ، تانىمال حابارلاندىرۋ سايتتارى مەن الەۋمەتتىك جەلىلەردە 343 رەت ادامداردى سان سوقتىرعان. ولار نەگىزىنەن okx.kz سايتىندا ايلالارىن ىسكە اسىرعان. مۇنداي 183 فاكتى تىركەلدى.

ال Instagram قولدانۋشىلارىن الاياقتار 83 رەت الداعان. ۆەب- رەسۋرستارىنىڭ حالىق اراسىندا تانىمال بولىپ، جۇمىسىنىڭ دۇرىس بولۋىن قاداعالاپ وتىراتىن اكىمشىلەر ىنتىماقتاستىققا دايىن. وتكەن جىلى kolesa.kz, krysha.kz, olح.kz حابارلاندىرۋ سايتتارىندا، Instagram جەلىسىندە 1430 حابارلاندىرۋ تەكسەرىلدى، ونىڭ 267^- ء^سى جالعان دەپ بۇعاتتالدى.