ۇركەر اۋىلىنىڭ تۇرعىندارىن نە الاڭداتىپ وتىر: ەلوردا اكىمى جەرگىلىكتى حالىقپەن كەزدەستى

استانا. قازاقپارات - ەلوردا اكىم جەڭىس قاسىمبەكوۆ بۇگىن ەلوردا ماڭىنداعى ۇركەر ەلدى مەكەنىنىڭ تۇرعىندارىمەن كەزدەسىپ، ولاردى تولعاندىرىپ وتىرعان ماسەلەلەر تۋرالى تىلدەستى.

ول تۋرالى قالا باسشىسى ءوزىنىڭ Facebook الەۋمەتتىك جەلىسىندەگى پاراقشاسىندا جاريالادى، دەپ حابارلايدى قازاقپارات.

«ۇركەر ەلدى مەكەنىنىڭ تۇرعىندارىمەن كەزدەستىم. ولار ينجەنەرلىك، ەلەكترمەن جابدىقتاۋ جەلىلەرىن جوندەۋ، الەۋمەتتىك نىساندار، ايالدامالار، جول سالۋ، اباتتاندىرۋ، كوگالداندىرۋ سياقتى وزگە دە ءبىرقاتار. ماسەلەلەردى كوتەردى. ەلدى مەكەندى دامىتۋدىڭ جالپى جوسپارىن قۇرامىز، ەڭ الدىمەن شەشىلۋى ءتيىس مىندەتتەردى جانە ەكىنشى كەزەڭدە قولعا الۋ قاجەت ماسەلەلەردى انىقتايمىز»، - دەدى شاھار باسشىسى.

ءبىرىنشى كەزەكتەگى مىندەت - ۇركەر ەلدى مەكەنىندە كارىز جانە ەلەكترمەن جابدىقتاۋ جەلىلەرى پروبلەماسىن شەشۋ. ءبىز مۇنى ءبىرىنشى كەزەكتە ورىندايمىز. سول سياقتى ءبىرقاتار الەۋمەتتىك نىساننىڭ قۇرىلىسىن جۇرگىزىپ جاتىرمىز. ماسەلەن مەردىگەرلەرگە بيىل دەنە شىنىقتىرۋ- ساۋىقتىرۋ كەشەنى مەن ءورت ءسوندىرۋ دەپوسىنىڭ قۇرىلىسىن اياقتاۋ مىندەتى تاپسىرىلدى.

سونداي- اق وسى ەلدى مەكەندە ەكى مەكتەپ (2024 -جىلى جانە 2025 -جىلى پايدالانۋعا بەرىلەدى) سالامىز. قالادا كەلەسى وقۋ جىلىنا 13 مەكتەپ سالۋدى جوسپارلاپ وتىرمىز. مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا 100 مىڭ وقۋشى ورنىنا ارنالعان 25 مەكتەپ (2 اۋىسىمدى) سالامىز. ولاردىڭ قۇرىلىسىن بيىلدان باستايمىز.

«استانادا 16 ەلدى مەكەن بار. ەلوردانىڭ ءاربىر ءتورتىنشى تۇرعىنى ەلدى مەكەندە تۇرادى. ءاربىر ەلدى مەكەننىڭ تۇرعىندارىمەن جەكە كەزدەسەمىن. اۋداندار مەن ەلدى مەكەندەردى دامىتۋ جوسپارىن بىرلەسىپ انىقتايمىز»، - دەدى جەڭىس قاسىمبەك.