فيليپپين ءوز اۋماعىندا امەريكا اسكەرىن كوبەيتۋگە كەلىستى
ا ق ش قورعانىس ءمينيسترى للويد وستين مەملەكەت باسشىلىعىمەن قوسىمشا قارۋ مەن امەريكا اسكەرىن ورنالاستىرۋ تۋرالى كەلىسسوز جۇرگىزۋ ءۇشىن سەيسەنبى كۇنى فيليپپينگە كەلدى.
تاراپتاردىڭ ورتاق مالىمدەمەسىندە قورعانىس سالاسىنداعى كەڭەيتىلگەن سەرىكتەستىك تۋرالى كەلىسىمدى تولىق جۇزەگە اسىرۋ جەدەلدەتىلگەنى حابارلاندى. ونىڭ ماقساتى - ورتاق دايىندىق، وقۋ مەن ءوزارا ارەكەتتەستىك.
اسكەر سانىن ارتتىرۋ اياسىندا، ا ق ش ەلدىڭ ستراتەگيالىق اۋداندارىنداعى بۇرىننان بار بەس اسكەري بازا مەن ءتورت جاڭا وبەكتىنىڭ ينفراقۇرىلىمىن جاقسارتۋعا 82 ميلليون دوللار بولەدى.
EDCA قورعانىس كەلىسىمىنە سايكەس 2014-جىلى امەريكا كۇشتەرىنە فيليپپيننىڭ بەس اسكەري بازاسىنا بەلگىسىز مەرزىمگە دەيىن كىرۋگە رۇقسات بەرىلدى.
2022-جىلدىڭ قازانىندا ا ق ش، اسىرەسە قۇرلىقتىق مەملەكەتتىڭ سولتۇستىگىنە كوبىرەك اسكەر مەن قارۋدى ورنالاستىرۋعا رۇقسات سۇرادى.