تاۋ ساياحاتشىلارىنا ارنالعان موبيلدى قوسىمشا ىسكە قوسىلادى

استانا. قازاقپارات - ەلىمىزدە تاۋعا ساياحاتتاۋدى ۇناتاتىن تۋريستەرگە ارنالعان موبيلدى قوسىمشا ازىرلەنىپ جاتىر.

بۇل تۋرالى توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمبايەۆ ءمالىم ەتتى، دەپ حابارلايدى قازاقپارات ءتىلشىسى.

«حالىق اراسىندا پروفيلاكتيكالىق جۇمىس تۇراقتى ۇيىمداستىرىلىپ جاتىر. ياعني قار كوشكىنى، سەل ءجۇرۋ جانە سۋ تاسقىنى ءقاۋپى تۋرالى تۇسىندىرمە اقپاراتتار تاراتىلۋدا. سونىمەن قاتار ب ا ق ارقىلى دا مالىمەتتەر تاراتىلىپ، ءتۇسىندىرۋ جۇمىستارى كەڭىنەن ءجۇرىپ جاتىر. تاۋلى جەرلەردە ارنايى قۇتقارۋ بەكەتتەرى قۇرىلدى. وقيعا ورنىنا شۇعىل جەتۋدى قامتاماسىز ەتۋ ءۇشىن قۇتقارۋشىلار تاۋلىك بويى كەزەكشىلىك ەتۋدە. بۇل جوعالعان ادامداردى ىزدەستىرۋ- قۇتقارۋ كەزىندە ۋاقىت ۇنەمدەۋگە سەپتىگىن تيگىزەدى»، - دەدى يبراگيم كۇلشىمبايەۆ و ك ق- دە وتكەن بريفينگىدە.

ودان ءارى ت ج م ءبىرىنشى ۆيتسە-ءمينيسترى تۋريستەرگە ارنالعان جاڭا موبيلدى قوسىمشا تۋرالى اڭگىمە ءوربىتتى.

«تۋريستىك ناۆيگاتسيانىڭ ءبىرىڭعاي جۇيەسىن قۇرۋ جانە توتەنشە جاعدايلار دەپارتامەنتتەرىنىڭ بازاسىمەن ينتەگراتسيالاناتىن تاۋعا جورىقتى ۇناتاتىن اۋەسقويلار ءۇشىن «Tau Go» سمارت-ناۆيگاتور ءموبيلدى قوسىمشاسىن ىسكە قوسۋ بويىنشا جۇمىس جۇرگىزىلۋدە. ودان بولەك، 2 گيس جۇيەسى ارقىلى وفلاين رەجيمدە جۇمىس ىستەيتىن تاۋلى ايماقتارداعى تۋريستىك مارشرۋتتاردى سيفرلاندىرۋ بويىنشا شارۋا قولعا الىندى»، - دەيدى ول.

ي. كۇلشىمبايەۆتىڭ ايتۋىنشا، تۋريستەردىڭ قاۋىپسىزدىگى ءۇشىن شۇعىل قىزمەت تەلەفوندارى كورسەتىلگەن اقپاراتتىق تاقتايشالار ورناتىلماق.

مينيستر ورىنباسارى كەلتىرگەن مالىمەت بويىنشا قىس باستالعالى تاۋدا اداسقان 147 تۋريستى تابۋدا 14 ىزدەستىرۋ-قۇتقارۋ جۇمىسى جۇرگىزىلدى.