سۋ تاسقىنىنان ۇيلەر قۇلاسا، شىعىن جەرگىلىكتى بيۋجەتتەن وتەلەدى – ت ج م
بۇل ساۋالعا توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمبايەۆ جاۋاپ بەردى، دەپ حابارلايدى قازاقپارات ءتىلشىسى.
«توتەنشە جاعداي جاريالاۋدىڭ ءوز ەرەجەسى بار. ەگەر شىعىن كەلمەسە، ۇيلەردىڭ سۋ استىندا قالۋى دەگەن سەكىلدى زارداپ بولماسا، وندا توتەنشە جاعداي جاريالانبايدى»، - دەدى يبراگيم كۇلشىمبايەۆ و ك ق وتكەن بريفينگىدە ب ا ق وكىلدەرىنىڭ ساۋالىنا جاۋاپ بەرە وتىرىپ.
ءتىلشىنىڭ دەمەك وڭىردەگى جاعداي تۇراقتى عوي؟ دەگەن ناقتىلاۋ سۇراعىنا «جاعداي تۇراقتى»، دەپ قىسقا قايىردى.
ودان بولەك، ءمينيستردىڭ ءبىرىنشى ورىنباسارى تۇرعىندار توتەنشە جاعدايدا قايدا بارۋ كەرەكتىگى جانە شىعىندى وتەۋگە قاتىستى تۇسىنىك بەردى.
«ءبىزدىڭ مينيسترلىك جانە جەرگىلىكتى اتقارۋشى ورگانداردىڭ كۇشىمەن ەلدى مەكەندەردە ارنايى ەۆاكۋاتسيالىق بەكەتتەر (پۋنكت) ۇيىمداستىرىلعان. توتەنشە جاعدايدا قايدا بارۋ كەرەكتىگىن جەرگىلىكتى حالىق بىلەدى. ەگەر تۇرعىنداردىڭ ۇيلەرى قۇلاپ نەمەسە باسقا دا زارداپ كەلسە وندا شىعىن وتەلەدى. ول ءۇشىن جەرگىلىكتى بيۋجەتتە قارجى قاراستىرىلعان. ەگەر جەتپەسە قارجى رەسپۋبليكالىق بيۋجەتتەن قارالادى»، - دەيدى ول.
بۇعان دەيىن ي. كۇلشىمبايەۆ تۇركىستان وبلىسىنداعى سۋ تاسقىنىنا قاتىستى سوڭعى مالىمەتپەن بولىسكەن ەدى.