كارديولوگ جۇرەكتىڭ كەنەتتەن شانشۋى نەدەن بولاتىنىن ايتتى
جۇرەكتىڭ شانشۋ سەبەپتەرى
«جۇرەكتىڭ شانشۋى - بۇل وتە ءجيى كەزدەسەتىن سيمپتوم، ءبىراق جۇرەك-قان تامىرلارى پاتولوگياسىنا عانا ءتان ەمەس. كوبىنەسە بۇل جاعداي جۇيكە جۇيەسىنىڭ بۇزىلۋىمەن، تىرەك-قيمىلدىڭ زاقىمدانۋىمەن، اسقازان-ىشەك جولدارىنىڭ جوعارعى بولىگىنىڭ اۋرۋلارىندا كەزدەسەدى»، - دەيدى كارديولوگ ەكاتەرينا ميرونوۆا.
سونداي-اق، جۇرەك ايماعىنداعى شانشۋ كوبىنەسە پسيحو-ەموتسيونالدى شامادان تىس جۇكتەۋ كەزەڭىندە پايدا بولادى.
جۇرەك شانشىسا نە ىستەۋ كەرەك؟
«جۇرەك كەنەت شانشىسا ابدىراماي جاي عانا وتىرىپ نەمەسە جاتىپ دەمالۋ كەرەك. وتتەگىنىڭ مول بولۋى ماڭىزدى. ول ءۇشىن تەرەزەنى اشىپ، بەلدىكتى شەشىپ، جەيدەنىڭ تۇيمەلەرىن اعىتىڭىز. سونداي-اق، بىرنەشە مينۋت ىشىندە ءسىز تىنىس الۋىڭىزعا رەتتەپ، مۇرنىڭىزبەن باياۋ تەرەڭ دەم الىپ، سودان كەيىن اۋزىڭىزبەن باياۋ دەم شىعارۋىڭىز كەرەك»، - دەيدى دارىگەر.
سونداي-اق، شانشۋدى توقتاتۋ ءۇشىن كەز كەلگەن اۋىرسىنۋدى باساتىن دارىلەردى ىشۋگە بولادى، دەيدى دارىگەر. مۇمكىندىگىنشە قىسىم مەن يمپۋلستى تەكسەرىڭىز.
«ەگەر سىزدە جوعارى، ادەتتەن تىس تومەن قان قىسىمى نەمەسە جۇرەك سوعۋ جيىلىگى بولسا، مەديتسينالىق كومەككە جۇگىنىڭىز. ءدارى-دارمەكتەردى وزدىگىنەن قابىلداۋ قاۋىپتى بولۋى مۇمكىن»، - دەپ ەسكەرتەدى كارديولوگ.
دارىگەردىڭ ايتۋىنشا جۇرەك قالاي اۋىرعانى دا ماڭىزدى.
«جۇرەك ايماعىنداعى اۋىرسىنۋدىڭ سيپاتى سيمپتومدى تۋدىرعان اۋرۋعا بايلانىستى»، - دەيدى ەكاتەرينا ميرونوۆا.
سونداي-اق، اسقازان مەن وڭەشتىڭ اۋرۋى كەزىندە دە جۇرەك شانشيدى.
«ەگەر جۇرەك ايماعىندا اۋىرسىنۋ بولسا، اسىرەسە سيمپتومدار ءسىزدى ۇنەمى مازالايتىن بولسا، مۇمكىندىگىنشە تەزىرەك مامانعا حابارلاسىپ، تەكسەرۋدەن ءوتۋ كەرەك. سىزگە ەلەكتروكارديوگرافيا، جۇرەكتىڭ ۋلترادىبىستىق زەرتتەۋى، كەۋدە قۋىسىنىڭ رەنتگەنوگرافياسى، قان اناليزىنەن ءوتۋ كەرەك»، - دەيدى ەكاتەرينا ميرونوۆا.
ايتا كەتەيىك، بۇعان دەيىن كارديولوگ قان قىسىمىنا ارنالعان ءدارىنى قاشان ءىشۋ كەرەگىن ايتقان بولاتىن.
massaget.kz