قاسىم- جومارت توقايەۆ جامبىل وبلىسىندا قۇس فابريكاسىنىڭ جۇمىسىمەن تانىستى

بايزاق. قازاقپارات - پرەزيدەنت قاسىم- جومارت توقايەۆ جامبىل وبلىسىنا جۇمىس ساپارى اياسىندا بايزاق اۋدانى مىرزاتاي اۋىلىنداعى «اۋليە اتا فەنيكس» قۇس فابريكاسىنا باردى. قازاقپارات بۇل تۋرالى اقورداعا سىلتەمە جاساپ حابارلايدى.

مەملەكەت باسشىسى ءوندىرىس ورنىنداعى سەحتاردى ارالاپ كوردى. پرەزيدەنتكە قۇس فابريكاسىنىڭ جەتەكشىسى فاريدا ءجۇنىسوۆا كاسىپورىننىڭ جۇمىسى تۋرالى باياندادى.

قازىرگى ۋاقىتتا گوللاند تەحنولوگياسىمەن 1 ميلليون بالاپان وسىرەتىن ءوندىرىس ورنىندا 250 گە جۋىق اۋىل تۇرعىنى جۇمىس ىستەيدى. كاسىپورىن جىل سايىن 8 مىڭ توننا برويلەر ەتىن وندىرەدى، سونداي- اق ءونىم ىشكى نارىققا جەتكىزىلەدى جانە رەسەيگە، قىرعىزستانعا ەكسپورتتالادى.

بيىل قۇس فابريكاسىنىڭ وندىرىستىك قۋاتىن 12 مىڭ تونناعا دەيىن ارتتىرۋ ءۇشىن جالپى قۇنى 1,4 ميلليارد تەڭگەنى قۇرايتىن 6 نىسان سالۋ جوسپارلانىپ وتىر.

كاسىپورىن جۇمىسىمەن تانىسۋ بارىسىندا قاسىم- جومارت توقايەۆقا وڭىردەگى قۇس شارۋاشىلىعىنىڭ دامۋى جونىندە مالىمەت بەرىلدى.

ەسكە سالايىق، پرەزيدەنت جامبىل وبلىسىندا جۇمىس ساپارىمەن ءجۇر.