ۆەتنام، پولياك، ورىسپەن كورشى بولعانمىن - پرەزيدەنت ستۋدەنتتىك شاعىن ەسكە الدى

استانا. قازاقپارات - پرەزيدەنت قاسىم- جومارت توقايەۆ تاراز يننوۆاتسيالىق ينستيتۋتىنىڭ ستۋدەنتتەر ءۇيىن ارالاپ كوردى، دەپ حابارلايدى قازاقپارات.

ستۋدەنتتەردىڭ جاي- كۇيىمەن تانىسۋ كەزىندە قاسىم- جومارت توقايەۆ ءوزىنىڭ ستۋدەنتتىك شاعىن ەسكە الدى.

«مەن دە ماسكەۋدە وقىعان كەزدە وسىنداي جاتاقحانادا تۇردىم. ءبىر بولمەدە 4 ادام، سونىڭ ىشىندە ءبىر ۆەتنامدىق، ءبىر پولياك، ءبىر ورىس جىگىت بولعان ەدى. جاعداي جالپى جامان ەمەس»، - دەدى پرەزيدەنت.

ايتا كەتەيىك، مەملەكەت باسشىسى جامبىل وبلىسىنا جۇمىس ساپارىندا شەرحان مۇرتازا اتىنداعى حالىقارالىق تاراز يننوۆاتسيالىق ينستيتۋتىنىڭ وقىتۋشىلارمەن جانە ستۋدەنتتەرمەن كەزدەستى.

«ەلىمىزدىڭ بولاشاعى - جاستار. جاڭا بۋىن، جاڭا تولقىن ءوسىپ كەلەدى. ءبىلىم الۋ وتە ماڭىزدى. ابايشا ايتقاندا، «تولىق ادام» دەگەنىمىز - ويى ۇشقىر، زەرەك، بىلىمگە قۇشتار ادام. ءار نارسەدە قاناعات بولۋى كەرەك. ءبىراق بىلىمگە كەلگەندە، قاناعات بولماۋى كەرەك. ءاردايىم ىزدەنۋ كەرەك. ەلىمىزدىڭ بولاشاقتا دامىپ، كوركەيگەن ەلگە اينالۋى، الدىمەن، سىزدەرگە بايلانىستى. ءبىز سىزدەرگە سەنەمىز، ۇلكەن ءۇمىت ارتامىز. بارشاڭىزعا ساتتىلىك تىلەيمىن!» - دەدى قاسىم- جومارت توقايەۆ.

فوتو: akorda.kz