ءاليحان سمايىلوۆ ە ا ە و اقپاراتتىق جۇيەلەرىن ينتەگراتسيالاۋدى ۇسىندى
بۇل تۋرالى ق ر پرەمەر- ءمينيسترى ءاليحان سمايىلوۆ ەۋرازيالىق ۇكىمەتارالىق كەڭەستىڭ كەڭەيتىلگەن قۇرامداعى وتىرىسىندا ايتتى، دەپ حابارلايدى قازاقپارات ءتىلشىسى.
«وداقتاعى ءوزارا ءىس- قيمىلدىڭ تيىمدىلىگى ءۇشىن ورتاق پروتسەستەر مەن ە ا ە و ينتەگراتسيالانعان اقپاراتتىق جۇيەسىن ءىس جۇزىندە ىسكە اسىرۋ قاجەت. دەر كەزىندە جانە ءتيىمدى اقپارات الماسۋسىز وداقتىڭ ەكونوميكالىق الەۋەتىن دامىتۋ مۇمكىن ەمەس. بىرىكتىرىلگەن اقپاراتتىق جۇيەنىڭ تولىققاندى ىسكە قوسىلۋى ءوزارا ساۋداداعى كەدەرگىلەردىڭ ايتارلىقتاي بولىگىن جويۋعا جانە وداقتىڭ ترانزيتتىك جانە سىرتقى ساۋدا پروتسەستەرىن جەدەلدەتۋگە مۇمكىندىك بەرەدى. مەن ەلدەردى ۇلتتىق اقپاراتتىق جۇيەلەردى ينتەگراتسيالاۋدى جەدەلدەتۋگە شاقىرامىن»، - دەدى ق ر ۇكىمەت باسشىسى ەۋرازيالىق ۇكىمەتارالىق كەڭەس وتىرىسىندا.
بۇعان دەيىن ول ەاەو ەكونوميكانىڭ باسىم سالالارىنداعى ىنتىماقتاستىقتى ودان ءارى نىعايتۋ جونىندە ۇسىنىستار ايتقان بولاتىن.
ەسكە سالايىق، شاراعا ارمەنيا پرەمەر- ءمينيسترى نيكول پاشينيان جانە بەلارۋس پرەمەر- ءمينيسترى رومان گولوۆچەنكو، قىرعىزستان مينيسترلەر كابينەتىنىڭ ءتوراعاسى - پرەزيدەنت اكىمشىلىگىنىڭ باسشىسى اقىلبەك جاپاروۆ، رەسەي ۇكىمەتىنىڭ باسشىسى ميحايل ميشۋستين، ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ، سونداي- اق ەاەو باقىلاۋشى مەملەكەتتەردىڭ وكىلدەرى: وزبەكستان پرەمەر- ءمينيسترى ابدۋللا اريپوۆ جانە كۋبانىڭ رەسەي فەدەراتسياسىنداعى ەلشىسى حۋليو انتونيو گارمەنديا پەنيا قاتىستى.