دوللار ەكىنشى كۇن قاتارىنان ارزانداپ جاتىر

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى ارزاندادى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى 0,97 تەڭگەگە تومەندەپ، 458,69 تەڭگە بولدى.

ايتا كەتەيىك، ۇلتتىق بانكتىڭ 3-اقپانداعى رەسمي باعامى - 1 دوللار ءۇشىن 459,92 تەڭگەنى قۇرايدى. رەسەي ۆاليۋتاسى - 6,57 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 459 تەڭگە، ساتىپ الۋ - 462,5 تەڭگە.

ال استانا قالاسى بويىنشا ساتۋ باعامى - 458,5 تەڭگەدەن بولسا، ساتىپ الۋ - 461,5 تەڭگە.

رەسەي ءرۋبلى 6,38 - 6,43 تەڭگە ارالىعىندا ساۋدالانىپ جاتىر.

ايتا كەتەيىك، قور نارىعىندا دوللار ەكىنشى كۇن قاتارىنان ارزانداپ جاتىر.