مەملەكەت باسشىسى تاراز قالاسىنداعى ستۋدەنتتەر ۇيىنە باردى
ينستيتۋت رەكتورى ەربولات ساۋرىقوۆ وقۋ ورنىنىڭ مامان دايارلاۋ ىسىندەگى جەتىستىكتەرى مەن الداعى دامۋ جوسپارىن تانىستىردى. 2019 -جىلى بۇرىنعى «تاراز» قوناق ءۇيى رەكونسترۋكتسيالاندى، قايتا جاساقتالعان جاتاقحانادا 500 ستۋدەنتكە بارلىق جاعداي جاسالعان.
قاسىم- جومارت توقايەۆ مەملەكەتتىڭ ءبىلىم سالاسىنا ايرىقشا ءمان بەرىپ وتىرعانىن اتاپ ءوتىپ، بۇگىندە ءبىلىم الامىن دەگەن ادامعا مۇمكىندىك مول ەكەنىن ايتتى.
«ەلىمىزدىڭ بولاشاعى - جاستار. جاڭا بۋىن، جاڭا تولقىن ءوسىپ كەلەدى. ءبىلىم الۋ وتە ماڭىزدى. ابايشا ايتقاندا، «تولىق ادام» دەگەنىمىز - ويى ۇشقىر، زەرەك، بىلىمگە قۇشتار ادام. ءار نارسەدە قاناعات بولۋى كەرەك. ءبىراق بىلىمگە كەلگەندە، قاناعات بولماۋى كەرەك. ءاردايىم ىزدەنۋ كەرەك. ەلىمىزدىڭ بولاشاقتا دامىپ، كوركەيگەن ەلگە اينالۋى، الدىمەن، سىزدەرگە بايلانىستى. ءبىز سىزدەرگە سەنەمىز، ۇلكەن ءۇمىت ارتامىز. بارشاڭىزعا ساتتىلىك تىلەيمىن!» - دەدى مەملەكەت باسشىسى.
ەسكە سالا كەتەيىك، مەملەكەت باسشىسى جۇمىس ساپارىمەن جامبىل وبلىسىندا ءجۇر.