الماتىدا بيىل كوكتەم ەرتە شىعادى - قازگيدرومەت

الماتى. قازاقپارات- بيىل الماتىدا كوكتەم ەرتە شىعادى. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىنا استانادان ونلاين قاتىسقان «قازگيدرومەت» ر م ك گيدرولوگيا دەپارتامەنتىنىڭ ديرەكتورى ءادىل احمەتوۆ ايتتى، دەپ حابارلايدى قازاقپارات ءتىلشىسى.

ءادىل احمەتوۆتىڭ ايتۋىنشا، الدىن الا بولجام بويىنشا الماتىدا كوكتەم ەرتە شىعادى.

ناۋرىزدىڭ ءبىرىنشى ونكۇندىگىندە اۋا تەمپەراتۋراسى 2+7+، كۇندىز 10+15+ گرادۋسقا دەيىن كوتەرىلەدى.

ورتا ەسەپپەن العاندا اۋا تەمپەراتۋراسى كليماتتىق نورمادان 1 گرادۋسقا جوعارى بولادى.

«ناۋرىز ايىنداعى ورتاشا ايلىق تەمپەراتۋرانىڭ نورماسى - 2,7 گرادۋس، مۇنداي كەزدە ناۋرىز ايىندا كۇننىڭ بىردەن جىلىنۋى جاعىمسىز جاعدايعا جاتادى. جانە ءدال وسى ايدا اۋا تەمپەراتۋراسىنىڭ قاتتى جوعارىلاۋ ءۇردىسى بايقالادى. مۇنداي كەزدە قىس بويى قوردالانعان قالىڭ قاردىڭ بىردەن ەرۋ قاۋپى جوعارى. سونداي- اق، الماتىدا جىلۋ تولقىندارىنىڭ قايتالانۋ جيىلىگى ارتىپ كەلەدى، سوندىقتان قىستىڭ سوڭى مەن كوكتەمنىڭ باسىندا اۋا تەمپەراتۋراسىنىڭ كۇرت جىلىنۋىنان قاۋىپ ارتادى»، - دەدى قازگيدرومەت وكىلى.

ءادىل احمەتوۆ الماتىدا جىلىلىق سەزىلىپ، اۋا تەمپەراتۋراسى ايتارلىقتاي كوتەرىلىپ كەلە جاتقانىن ايتتى.

«1976 -جىلدان باستاپ ورتاشا جىلدىق تەمپەراتۋرا ءار 10 جىل سايىن شامامەن 0,5 گرادۋسقا كوتەرىلدى. جىلدىڭ بارلىق ايلارىندا تەمپەراتۋرا تۇراقتى تۇردە كوتەرىلەدى. تەمپەراتۋرا ەڭ جوعارى جىلدامدىقپەن ناۋرىزدا كوتەرىلەدى - 10 جىل سايىن 1,3 گرادۋسقا، ال اقپاندا - 10 جىل سايىن 1,3 گرادۋسقا كوتەرىلەدى»، - دەدى ول.

سپيكەر كورشىلەس وبلىستارداعى جاعدايعا دا توقتالدى.

«5- اقپاندا الماتى وبلىسىنىڭ تاۋلى ايماقتارىندا جاۋىن- شاشىن، قار جاۋادى. تاۋلى جانە تاۋ بوكتەرىندەگى اۋدانداردا تۇمان، كوكتايعاق كۇتىلەدى. وڭتۇستىك- باتىستان سوعاتىن جەل شىعىسقا اۋىسادى، وبلىستىڭ وڭتۇستىگىندە ەكپىنى 15-20 م/س. 1 -اقپانداعى جاعداي بويىنشا ىلە الاتاۋىنىڭ سولتۇستىك بەتكەيىندەگى، جەتىسۋ الاتاۋىنىڭ وزەن الاپتارىندا ىلعال جينالۋ كەزەڭىندەگى جاۋىن- شاشىن مولشەرى ورتاشا جىلدىق ماننەن % 15-21- عا جوعارى، ال ىلە الاتاۋىنىڭ وڭتۇستىك بەتكەيى مەن كەتمەن جوتاسىنىڭ سولتۇستىك بەتكەيىندەگى وزەندەردىڭ باسسەيندەرىندە ورتاشا جىلدىق ماندەر شەگىندە % 15-21- عا جوعارى»، - دەدى ءادىل احمەتوۆ.

سونىمەن قاتار ول الماتىنىڭ وڭتۇستىك جارتىسىندا اقپان ايىندا جاۋاتىن جاۋىن- شاشىن مولشەرى نورمادان جوعارى بولاتىنىن اتاپ ءوتتى.

«قارداعى سۋ قورىنىڭ كولەمىنە، توپىراقتىڭ كۇزگى ىلعالدىلىعىنا، توپىراقتىڭ قاتۋ تەرەڭدىگىنە تالداۋ جاساي وتىرىپ، الماتى وبلىسى سۋ باسۋ قاۋپى جوعارى ءوڭىر رەتىندە الدىن الا باعالاندى. گيدرومەتەورولوگيالىق جاعداي كۇرت وزگەرگەن جاعدايدا «قازگيدرومەت» ر م ك سۋ تاسقىنى قاۋپى تۋرالى 2-3 كۇن بۇرىن داۋىلدى ەسكەرتۋمەن حابارلايدى»، - دەيدى سپيكەر.

اۆتور

الما مۇقانوۆا