الماتى جانە جەتىسۋ وبلىستارىنداعى تاسجولداردا كوكتايعاقپەن كۇرەس كۇشەيتىلگەن رەجيمدە جۇرۋدە
وتكەن ەكى تاۋلىك ىشىندە ەلىمىزدىڭ وڭتۇستىك وڭىرلەرى اۋماعىندا جاڭبىر مەن قار تۇرىندە جاۋىن- شاشىن بولىپ، تەمپەراتۋرانىڭ كۇرت اۋىتقۋى بايقالدى. وسىلايشا، وتكەن تۇندە جول بويىندا توتەنشە جاعدايلاردىڭ الدىن الۋ ءۇشىن الماتى جانە جەتىسۋ وبلىستارىنداعى رەسپۋبليكالىق تراسسالاردىڭ 6 ۋچاسكەسىندە قوزعالىسقا شەكتەۋ ەنگىزىلدى. رەسپۋبليكالىق ماڭىزى بار اۆتوجولداردى وڭدەۋ ءۇشىن 1070 تەكشە مەتر قۇم- تۇز قوسپاسى پايدالانىلدى.
«جول بولىگىن قۇم- تۇز قوسپاسىمەن وڭدەۋ جۇمىستارى كۇشەيتىلگەن رەجيمدە جالعاسۋدا. ءاربىر ۋچاسكەگە جول- پايدالانۋ تەحنيكاسى ءبولىندى، جولداردىڭ ءجۇرۋ بولىگى ديرەكتيۆتى نورمالارعا سايكەس تازارتىلىپ، وڭدەلۋدە.
بۇدان باسقا، تۇركىستان وبلىسىنىڭ جولشىلارى شىمكەنت قالاسىنان قىزىلوردا وبلىسىنىڭ شەكاراسىنا دەيىنگى «سامارا- شىمكەنت» اۆتوجولىنىڭ ۋچاسكەسىن سۋ باسىپ، شايىلىپ كەتۋىنە جول بەرمەي، جەدەل شارالار قابىلدادى. ينەرتتى ماتەريالدارى بار 1200-دەن استام قاپ توسەلدى، سۋ بۇرۋ جۇمىستارى جۇرگىزىلدى»، - دەپ جازدى جاۋاپتى ۆەدومستۆودان.
رەسپۋبليكالىق اۆتوجولدار جەلىسىندە قىسقى كۇتىپ- ۇستاۋ جۇمىستارىن اتقارۋعا 477 بىرلىك ارنايى تەحنيكا مەن 1 مىڭنان استام جول جۇمىسشىسى جۇمىلدىرىلدى.
رەداكتور
اسحات رايقۇل
facebook.com