الەۋمەتتىك ماڭىزى بار ازىق- تۇلىكتىڭ ەڭ تومەنگى كوتەرمە باعاسى بەكىتىلمەك

استانا. قازاقپارات - «قازاقستاندا وندىرىلەتىن، اكەلىنەتىن نەمەسە وتكىزىلەتىن الەۋمەتتىك ماڭىزى بار ازىق- تۇلىك تاۋارلارىنا ەڭ تومەن كوتەرمە باعانى بەلگىلەۋ ءتارتىبىن بەكىتۋ تۋرالى» ق ر ۇكىمەتىنىڭ قاۋلىسى اشىق تالقىعا شىعارىلدى، دەپ حابارلايدى قازاقپارات ءتىلشىسى.

«ساۋدا قىزمەتىن رەتتەۋ سالاسىنداعى ۋاكىلەتتى ورگان ازىق- تۇلىك قاۋىپسىزدىگىن قامتاماسىز ەتۋ جانە ىشكى نارىقتى قورعاۋ ماقساتىندا قازاقستان رەسپۋبليكاسىنىڭ بۇكىل الەۋمەتتىك ماڭىزى بار ازىق- تۇلىك تاۋارى بويىنشا ءبىر جىل ىشىندە كۇنتىزبەلىك توقسان كۇنگە دەيىنگى مەرزىمگە ەڭ تومەنگى كوتەرمە باعانى بەلگىلەيدى»، - دەلىنگەن قۇجاتتا.

ەڭ تومەنگى كوتەرمە باعانى بەلگىلەۋ زاڭدى تۇلعانىڭ ءوتىنىشى مەن مۇددەلى مەملەكەتتىك ورگاننىڭ باعانى سالىستىرمالى تالداۋ ناتيجەسىندە بەكىتىلەدى. ءوتىنىشتى بەرۋ جانە وندا سۇرالاتىن قۇجاتتار تۋرالى مىنا سىلتەمە بويىنشا ءوتىپ، تانىسۋعا بولادى.

«قازاقستان اۋماعىندا اكەلىنەتىن نەمەسە وتكىزىلەتىن ۇقساس نەمەسە تىكەلەي باسەكەلەس ءا م ا ت سالدارىنان ەكونوميكا سالاسىنا ماتەريالدىق زالال قاۋپىنىڭ بولۋىنىڭ نەگىزدەمەسى وبەكتيۆتى فاكتىلەرگە نەگىزدەلۋگە ءتيىس. اتاپ ايتقاندا، ستاتيستيكالىق دەرەكتەرگە، قازاقستان نارىعىنداعى ۇلەسى تۋرالى دەرەكتەر، ءوندىرىستىڭ وزىندىك قۇنى، باعاسى، وندىرىستىك قۋاتتاردىڭ جۇكتەلۋ دارەجەسى، ەڭبەك ونىمدىلىگىنىڭ جۇمىسپەن قامتىلۋى، پايدا مولشەرى، ءوندىرىستىڭ تيىمدىلىگى، ەكونوميكا سالاسىنا ينۆەستيتسيالار كولەمى سياقتى مالىمەتتەر ەسكەرىلىپ، كورسەتىلۋى ءتيىس»، - دەپ جازىلعان قاۋلىدا.

قۇجات 17- اقپانعا دەيىن كوپشىلىك تالقىلاۋدا بولادى.

اۆتور

ءاليحان اسقار