قاي ءوڭىردىڭ تۇرعىندارى كونستيتۋتسيالىق سوتقا ءجيى جۇگىنەدى
«كونستيتۋتسيالىق سوتتىڭ اتىنا ازاماتتاردان شاعىمداردىڭ كەلىپ ءتۇسۋى جالعاسۋدا.
كونستيتۋتسيالىق باقىلاۋ ورگانىنىڭ العاشقى ايداعى جۇمىسىنىڭ قورىتىندىسى بويىنشا قاڭتار ايىندا 800 دەن استام ءوتىنىش تىركەلدى»، - دەپ جازدى ۆەدومستۆو.
ءوتىنىش بەرۋشىلەردىڭ باسىم بولىگى اكىمشىلىك، ازاماتتىق جانە قىلمىستىق ىستەر بويىنشا شىعارىلعان سوت اكتىلەرىمەن كەلىسپەي شاعىمدانعان (%36). ەكىنشى ورىندا - زەينەتاقى سالاسىنا قاتىستى وتىنىشتەر (%17). ال قۇقىقتىق اكتىلەردىڭ كونستيتۋتسياعا قايشى كەلەتىن تۇستارىنا شاعىم سانى %14 دى قۇرادى.
«وسى اتالعاندارمەن قاتار، ازاماتتاردان ەڭبەك جانە تۇرعىن ءۇي زاڭناماسى، الەۋمەتتىك قامسىزداندىرۋ، اقپاراتقا قول جەتكىزۋ جانە قىلمىستىق-اتقارۋ جۇيەسى سالاسىنداعى ناقتى جاعدايلارعا بايلانىستى وتىنىشتەر ءتۇستى. ەڭ كوپ ءوتىنىش استانا جانە الماتى قالالارىنىڭ، قوستاناي، سولتۇستىك قازاقستان جانە جامبىل وبلىستارىنىڭ تۇرعىندارىنان قابىلدانعان»، - دەلىنگەن حابارلامادا.