قازاق كينوسى العاش رەت افريكادا كورسەتىلدى - فوتو
ۇلتتىق كينونى مەملەكەتتىك قولداۋ ورتالىعىنىڭ كومەگىمەن تۇسىرىلگەن «نارتاي» فيلمى فەستيۆالدىڭ نەگىزگى كونكۋرستىق باعدارلاماسىنا قاتىسىپ، ءتورت جۇلدەگە يە بولدى جانە ۇزدىك كوركەم فيلم اتاندى.
سونىمەن قاتار فەستيۆال باعدارلاماسىندا باسقا دا وتاندىق كارتينالار كورسەتىلدى.
«مەن ءسىزدىڭ ەلدە تۇسىرىلگەن كوركەم فيلمىن العاش رەت كورىپ وتىرمىن، بۇعان دەيىن تەك دەرەكتى فيلمدەردى تاماشالاعان ەدىم. كينو مامانى باسقا ەلدەن كەلگەن كاسىپقويدىڭ جۇمىسىن كورگەندە، ەڭ الدىمەن كينو ءتىلىن تۇسىنۋگە تىرىسادى. بۇل فيلمدە ول ەرەكشە، كەرەمەت. بۇل فيلمدەردى كورگەندە كينو تىلىندە جەتكىزىلگەن بەلگىلى ءبىر وقيعاعا تاپ بولامىز جانە مەنى باۋراعان ءدال سول سەزىم»، - دەيدى شارا قوناقتارىنىڭ ءبىرى، رەجيسسەر، كانن كينوفەستيۆالىنىڭ قاتىسۋشىسى مۋسسا تۋرە.
افريكالىق كورەرمەن قازاق كينوسىنىڭ دەڭگەيىن جوعارى باعالادى، ال يندۋستريا ماماندارى سەرىكتەستىك ورناتۋدى ۇسىندى.
- YARHA فەستيۆالىمەن سەرىكتەستىك كەلەسى جىلى دا جالعاسادى دەپ ۇمىتتەنەمىن، بۇل قازاقستاننىڭ وڭ ءيميدجىن ىلگەرىلەتۋگە ءوز ۇلەسىن قوساتىنىنا سەنىمدىمىن. مادەني ديپلوماتيا جالعاسۋى كەرەك. ءبىز قازاقستاندىق كارتينالاردىڭ ماروككو، تۋنيس، سەنەگال جانە كونگو ەلدەرىندە كورسەتىلگەنىن قالايمىز، - دەپ اتاپ ءوتتى فرانتسياداعى قازاقستاندىق كينو قاۋىمداستىعىنىڭ پرەزيدەنتى اندرە يۆانوۆ.
كامەرۋنداعى وتاندىق فيلمدەردىڭ كورسەتىلىمىن فرانسياداعى قازاقستاندىق كينو قاۋىمداستىعى ۇيىمداستىردى.
بۇل - افريكاداعى العاشقى وسىنداي اۋقىمدى شارا.