س ق و- داعى تۇرمە باسشىسى كىسى ولىمىنەن كەيىن قىزمەتىنەن كەتتى
س ق و پروكۋراتۋراسىنىڭ مالىمەتىنشە، ق ر ءى ءى م قىلمىستىق- اتقارۋ جۇيەسى كوميتەتىنىڭ ايىرتاۋ اۋدانىنداعى مەكەمەسىندە انىقتالعان بىرنەشە ولقىلىققا قاتىستى وسى مەكەمەنىڭ ەكى باستىعى قىزمەتىنەن بوساتىلدى. تاعى بەس قىزمەتكەر قاتاڭ تارتىپتىك جاۋاپكەرشىلىككە تارتىلدى.
وبلىس پروكۋراتۋراسىنىڭ وسى مەكەمەنىڭ قىزمەتىندە ءبىرقاتار ەلەۋلى بۇزۋشىلىقتاردى انىقتاعان ۇسىنىسى س ق و پروكۋرورىنىڭ ورىنباسارى مۇرات قوجامقۇلوۆتىڭ قاتىسۋىمەن ق ر ءى ءى م ق ا ج ك الاڭىندا قارالدى.
تەكسەرىستى جۇرگىزۋگە بىلتىر كۇزدە نوۆوۋكراينكا ەلدى مەكەنىندەگى تۇزەۋ مەكەمەسىندە ءبىر سوتتالعاننىڭ ەكىنشىسىن بالعامەن ۇرىپ ءولتىرۋى سەبەپ بولعان. ونىڭ قاساقانا ولتىرگەنى بەينەكامەراعا ءتۇسىپ قالىپ، كەيىن بەينەجازبا الەۋمەتتىك جەلىگە تاراپ كەتتى.
وبلىس پروكۋرورى ورىنباسارىنىڭ ايتۋىنشا، تەك وسى ءبىر فاكتى عانا مەكەمەدەگى ءتارتىپ ءۇشىن جاۋاپ بەرەتىن لاۋازىمدى تۇلعالاردىڭ ءوز قىزمەتىنە جاۋاپسىزدىقپەن قاراعانىن كورسەتىپ وتىر. باقىلاۋدىڭ تولىقتاي جوقتىعى، مۇنداعى جازاسىن وتەۋشىگە رەجيمدەگى، قورعالاتىن وبەكتىدە اسا اۋىر قىلمىس جاساۋعا جاعداي جاساعان.
قاداعالاۋ ورگانى الداعى ۋاقىتتا ۇقساس جاعدايلارعا جول بەرمەۋ ءۇشىن بارلىق ءتيىستى شارالاردى قابىلداۋدى جانە ۆەدومستۆولىق باقىلاۋدى كۇشەيتۋدى تالاپ ەتتى.
ەستەرىڭىزگە سالايىق، ايىرتاۋ اۋدانى نوۆوۋكراينكا ەلدى مەكەنىندەگى قىلمىستىق- اتقارۋ جۇيەسىنىڭ №51 مەكەمەسىندە 1994 جانە 1976 -جىلى تۋعان سوتتالعاندار اراسىندا جانجال شىققان. توبەلەستىڭ سالدارىنان 1976 -جىلى تۋعان جازاسىن وتەۋشى ايىرتاۋ اۋدانىنىڭ اۋرۋحاناسىندا العان جاراقاتىنان ەسىن جيماستان قايتىس بولدى.
اۆتور
اقەركە داۋرەنبەك قىزى