سۋ تاسقىنى: ارىس قالاسىنا دا قاۋىپ ءتوندى
08:02, 03 - اقپان 2023
تۇركىستان. قازاقپارات- تاسقىن سۋ ارىس قالاسىنا دا قاۋىپ ءتوندىردى، دەپ حابارلايدى قازاقپارات ءتىلشىسى.
ارىس قالاسىنداعى قابىلساي تابيعي ارناسى سۋعا تولدى. قازىر قالا تۇرعىندارى مەن 200-دەن استام اسكەري قىزمەتكەر قۇم سالىنعان قاپپەن جول جيەكتەرىن جاۋىپ جاتىر. ازىرگە 1 ءۇيدىڭ اۋلاسىنا سۋ كىرگەن.
قالا اكىمى گۇلجان قۇرمانبەكوۆا سۋ باسقان ايماققا بارىپ، تۇرعىندارمەن كەزدەستى. ءاربىر اكىمدىك قىزمەتكەرىنىڭ كەزەكشىلىكتە جۇرگەنىن ايتىپ، قاۋىپتىڭ الدىن الۋ باعىتىندا اتقارىلىپ جاتقان جۇمىستارمەن تانىستىردى.
ءبىر قىزىعى ارىس قالاسىنا جاڭبىر جاۋماعان. تاسقىن سۋ كورشى اۋداندارداعى نوسەر سالدارىنان جىرالار ارقىلى اعىپ كەلگەن.
ايتا كەتەيىك، تۇركىستان وبلىسىندا جاۋعا نوسەر مەن قاردىڭ ەرۋى سالدارىنان بۇگىن تاڭەرتەڭ بىرنەشە ەلدى مەكەندى سۋ باسىپ قالدى.
اۆتور
قايرات زاينيشيەۆ