پرەزيدەنت شاحمات سپورتىن باقىلايتىنى قۋانتادى - ءبيبىسارا اساۋبايەۆا

استانا. قازاقپارات - بليتس-شاحماتتان الەم چەمپيونى ءبيبىسارا اساۋبايەۆا Jibek Joly تەلەارناسىنا بەرگەن سۇحباتىندا مەملەكەت باسشىسىنىڭ قابىلداۋىنان كەيىنگى اسەرىمەن ءبولىستى، دەپ حابارلايدى قازاقپارات ءتىلشىسى.

«مەملەكەت باسشىسىمەن كەزدەسۋ وتە جىلى اتموسفەرادا ءوتتى. قاسىم-جومارت كەمەل ۇلىنىڭ شاحماتتى باقىلاپ، ءبىزدى قولدايتىنى قۋانتادى»، - دەدى ءبيبىسارا اساۋبايەۆا ەفير كەزىندە.

ونىڭ ايتۋىنشا، پرەزيدەنت جاس چەمپيوندى كەزەكتى جەڭىسىمەن قۇتتىقتاپ، جەتكەن جەتىستىكتەرمەن توقتاپ قالماي، ودان ءارى بيىك شىڭداردى باعىندىرا تۇسۋگە كەڭەس بەرگەن.

كەشە حابارلاعانىمىزداي مەملەكەت باسشىسى قاسىم-جومارت توقايەۆ قازاقستاندىق شاحماتشى، بليتستەن الەم چەمپيونى ءبيبىسارا اساۋبايەۆانى جەكە قابىلداپ، جەڭىسىمەن قۇتتىقتادى.

ب. اساۋبايەۆا وتكەن جىلى جەلتوقساندا بليتستەن الەم چەمپيون اتانعان ەدى.

ودان بولەك، جۋىردا عانا جەرلەسىمىز ماسكەۋدە وتكەن «شاحمات جۇلدىزدارى» اتتى حالىقارالىق تۋرنيردە بليتستەن ايگىلى گروسسمەيستەر سەرگەي كارياكيندى جەڭدى.