كريشتيانۋ رونالدۋدىڭ جالاقىسىنىڭ باسىم بولىگى ساۋد ارابياسىنىڭ بيۋجەتىنەن تولەنەدى

استانا. قازاقپارات - ساۋد ارابياسىنىڭ «ال-ناسر» كلۋبىنا اۋىسقان پورتۋگاليالىق شابۋىلشى كريشتيانۋ رونالدۋدىڭ جالاقىسى قايدان تولەنەتىنى بەلگىلى بولدى، دەپ حابارلايدى قازاقپارات ءتىلشىسى.

The Athletic باسىلىمى ءمالىم ەتكەنىندەي، 37 جاستاعى ويىنشى جالاقىسىنىڭ باسىم بولىگى ەل بيۋجەتىنەن تولەنەدى.

«ال-ناسر» كلۋبى فۋتبولشىنىڭ جالاقىسىنا كەتەتىن شىعىننىڭ 10 پايىزىن عانا جابادى.

«كريشتيانۋ رونالدۋدىڭ «ال-ناسر» كلۋبىنداعى كەپىلدىك بەرىلگەن جىلدىق جالاقىسى 90 ميلليونداي دوللاردى قۇرايدى. كريشتيانۋدىڭ وكىلدەرىمەن ماقۇلدانعان كوممەرتسيالىق جانە دەمەۋشىلىك مامىلەلەر كەلىسىمشارتقا كىرەدى جانە جالپى تابىستى 200 ميلليون دوللارعا جۋىقتاتادى»، دەپ جازدى فابريتسيو رومانو Twitter- دە.

پورتۋگاليالىق فۋتبولشىمەن كەلىسىمشارتتىڭ 2,5 جىلعا جاسالعانى بەلگىلى. «ال-ناسر» كلۋبى قۇرامىنداعى العاشقى رەسمي ماتچتارىندا رونالدۋ ناتيجەلى ويىنىمەن كوزگە تۇسە قويعان جوق.

ەسكە سالا كەتەيىك، بۇدان بۇرىن «اقجايىق» فۋتبول كلۋبىنا جاڭا باس باپكەر تاعايىندالعانىن جازعان بولاتىنبىز.