ءماسىموۆتىڭ ءىسى قىلمىستىق سوتقا قايتارىلدى

پاۆلودار. قازاقپارات - نۇرلان ءماسىموۆتىڭ ءىسى پاۆلودار مامانداندىرىلعان قىلمىستىق سوتىنا قايتارىلدى.

مۇنداي شەشىمدى پاۆلودار وبلىستىق قىلمىستىق ىستەر جونىندەگى سوت القاسى قابىلدادى، دەپ حابارلايدى قازاقپارات Pavlodarnews.kz سايتىنا سىلتەمە جاساپ.

«القا قىلمىستىق ءىستى پروكۋرورعا قايتارۋ تۋرالى ۇكىمنىڭ كۇشىن جويىپ، ءىستى قاراۋ ءۇشىن قىلمىستىق ءىس بويىنشا مامانداندىرىلعان اۋدانارالىق سوتقا جىبەردى»، - دەدى وبلىستىق سوتتىڭ باسپا ءسوز قىزمەتىنەن.

ەسكە سالساق، 7- قاڭتاردا نۇرلان ءماسىموۆتىڭ ءىسى پروكۋراتۋراعا كەرى قايتارىلدى.

بىلتىر 17- قاڭتاردا پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلعان ەدى.

سول جىلى ماۋسىمدا پاۆلودار وبلىستىق پوليتسيا دەپارتامەنتىنىڭ بۇرىنعى باستىعى نۇرلان ماسىموۆكە ىزدەۋ جاريالانعان بولاتىن. وعان اسا اۋىر سىبايلاس جەمقورلىق قىلمىس جاسادى دەگەن ايىپ تاعىلدى.

كەيىن ىزدەۋ جاريالانعان نۇرلان ءماسىموۆ تۋرالى اقپارات بەرگەن ادامعا 12 ميلليون تەڭگەگە دەيىن سىياقى بەرىلەتىنى حابارلاندى.

2022-جىلى 13- شىلدە دە ق ر ۇلتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى رەسەيمەن شەكارادا ۇستادى.