بايقوڭىردان بيىلعى جىلعى العاشقى ۇشىرىلىم جاسالادى

بايقوڭىر. قازاقپارات – 5- اقپاندا بايقوڭىر عارىش ايلاعىنان وسى جىلداعى العاشقى ۇشىرىلىم جاسالادى، دەپ حابارلايدى قازاقپارات مەنشىكتى ءتىلشىسى.

د م-03 ۇدەتكىش بلوگى جانە «ەلەكترو-ل» سپۋتنيگى بار «پروتون-م» زىمىران تاسىعىشى 5- اقپان كۇنى استانا ۋاقىتىمەن ساعات 15.12 دە ۇشىرىلادى.

بۇگىن، 2- اقپاندا «ەلەكترو-ل» سپۋتنيگى بار «پروتون-م» زىمىران تاسىعىشى مونتاجداۋ-سىناق كورپۋسىنان شىعارىلدى جانە تەمىرجول رەلستەرى ارقىلى عارىش ايلاعىنىڭ 81-الاڭىنىڭ ۇشىرۋ كەشەنىنە جەتكىزىلدى.

كۇنى بويى زىمىراندى ۆەرتيكالدى كۇيگە كەلتىرۋ جۇرگىزىلەدى. سودان كەيىن روسكوسموس كاسىپورىندارىنىڭ ماماندارى تەحنيكالىق جابدىقتى تەكسەرۋگە جانە تەستىلەۋگە كىرىسەدى.

«ەلەكترو-ل» سەريالى رەسەيلىك عارىش اپپاراتتارى اۋا رايىنىڭ بولجامدارىن زەرتتەۋگە، اۆياتسيالاردى ۇشىرۋ جاعدايىنا اناليز جاساۋعا، سونداي-اق تەڭىزدەر مەن مۇحيتتار اكۆاتوريالارىن، توتەنشە جاعدايلار احۋالىن مونيتورينگىلەۋگە ارنالعان.

روسكوسموس باسپا ءسوز قىزمەتىنىڭ مالىمەتىنشە، قازىر جەر وربيتاسىندا 2011-جىلدان بەرى جۇمىس ىستەپ كەلە جاتقان «ەلەكترو» عارىش جۇيەسىنىڭ توبىندا ەكى سپۋتنيك — 2№ «ەلەكترو-ل» جانە 3№ «ەلەكترو-ل» پايدالانىلىپ جاتىر.