
11:03
استانا. قازاقپارات - مەملەكەت باسشىسى «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ ءتوراعاسى باقتىقوجا ىزمۇحامبەتوۆتى قابىلدادى، دەپ حابارلايدى اقوردا.
باقتىقوجا ىزمۇحامبەتوۆ «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ 2022-جىلى اتقارعان جۇمىستارى مەن بيىلعا ارنالعان جوسپارىن باياندادى.
قاسىم-جومارت توقايەۆتىڭ باستاماسىمەن جۇرگىزىلىپ جاتقان رەفورمالاردىڭ جۇزەگە اسۋىنا «ارداگەرلەر ۇيىمى» دا اتسالىسىپ جاتقانى تۋرالى ايتىلدى.
سونىمەن قاتار رەسپۋبليكالىق قوعامدىق بىرلەستىكتىڭ ءتوراعاسى ەلدىڭ الەۋمەتتىك-ەكونوميكالىق باعىتىنا قاتىستى ءبىرقاتار ۇسىنىس بەردى.