سمايىلوۆ ە ا ە و تۋرالى: بارلىق شەشىمدەر ەكونوميكالىق پراگماتيزمگە نەگىزدەلۋى ءتيىس

الماتى. قازاقپارات - قازاقستان ە ا ە و قىزمەتى تەك ەكونوميكالىق باعىتتا بولۋى ءتيىس دەگەن ۇستانىمدى باسشىلىققا الادى.

بۇل تۋرالى ق ر پرەمەر- ءمينيسترى ءاليحان سمايىلوۆ ەۋرازيالىق ۇكىمەتارالىق كەڭەس وتىرىسى قارساڭىندا ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچپەن كەزدەسۋدە ايتتى، دەپ حابارلايدى قازاقپارات.

تاراپتار ە ا ە و اياسىندا كەدەرگىلەردى جويۋ، بۇرىن قابىلدانعان ستراتەگيالىق قۇجاتتاردى ىسكە اسىرۋعا عىلىمي نەگىزدى كۇشەيتۋ، سونداي- اق ساۋدا جانە تەحنيكالىق رەتتەۋ بلوكتارى جونىندەگى كوميسسيا جۇمىسىنىڭ ماسەلەلەرىن تالقىلادى.

ءاليحان سمايىلوۆتىڭ ايتۋىنشا، قازاقستان ە ا ە و قىزمەتى تەك ەكونوميكالىق باعىتتا بولۋى ءتيىس دەگەن ۇستانىمدى باسشىلىققا الادى.

«بارلىق شەشىمدەر ەكونوميكالىق پراگماتيزمگە نەگىزدەلۋى كەرەك»، — دەدى پرەمەر- مينيستر.

ءوز كەزەگىندە ميحايل مياسنيكوۆيچ قازاقستاننىڭ الەۋمەتتىك- ەكونوميكالىق دامۋىنىڭ وڭ كورسەتكىشتەرى ەاەو ەلدەرىمەن ءوزارا ساۋدانى ودان ءارى كەڭەيتۋ ءۇشىن قولايلى جاعدايلار جاسايتىنىن اتاپ ءوتتى.

ايتا كەتەيىك، ەۋرازيالىق ۇكىمەتارالىق كەڭەستىڭ كەزەكتى وتىرىسى 2-3-اقپاندا الماتىدا وتەدى. وعان قازاقستان، ارمەنيا، بەلارۋس، قىرعىزستان جانە رەسەي ۇكىمەت باسشىلارى، سونداي- اق وزبەكستان پرەمەر- ءمينيسترى ە ا ە و جانىنداعى بايقاۋشى مەملەكەت وكىلى رەتىندە قاتىسادى. ءىس- شارانىڭ كۇن ءتارتىبى ساۋدا- ەكونوميكالىق ىنتىماقتاستىق، تەحنيكالىق رەتتەۋ، تەمىرجول جانە مۋلتيمودالدىق جۇك تاسىمالى، ەنەرگەتيكا جانە ت. ب. ماسەلەلەردى قامتيدى.