قازاقستاندا قانشا تازى بار
1939 -جىلعى ەسەپ بويىنشا ەلىمىزدە شامامەن 7000 تازى بولعان.
اراعا 26 -جىل سالىپ، ياعني 1965 -جىلى ونىڭ سانى ارتىپ، 10 مىڭعا دەيىن جەتكەن.
دەگەنمەن 1983 -جىلعا دەيىن تازىنىڭ %70 جويىلىپ، تەك 3 مىڭى قالعان.
2014 -جىلى تۇقىم-تەگى تازىعا ۇقسات ءيت سانى - 1000 بولدى. ونىڭ ىشىندە اسىل تۇقىمدىسى - 300.
بىلتىرعى ەسەپكە ساي، ەلىمىزدە تازى تۇقىمداس 1 مىڭعا جۋىق ءيت بار. الايدا، عالىمدار اقپاراتىنا قاراعاندا، ونىڭ تەك 150-گە جۋىعى عانا اسىل تۇقىمدى.
ايتا كەتەيىك، وتكەن جىلدىڭ سوڭىندا تازى مەن توبەت تۇقىمىن كوبەيتۋ تۋرالى زاڭدى ءماجىلىس ماقۇلداپ، سەنات قابىلداعان بولاتىن.
وعان سايكەس، قازاقى ءيت تۇقىمدارىن ساقتاۋ جانە كوبەيتۋ سالاسىنداعى مەملەكەتتىك باسقارۋدىڭ نەگىزگى قاعيداتتارى بەلگىلەنەدى.
قازاقى ءيت تۇقىمدارىنىڭ ساقتالۋىن قامتاماسىز ەتۋ جۇيەسىنە جاۋاپتى مەملەكەتتىك ورگاندار مەن ۇيىمدار ايقىندالادى.
زاڭ جوباسىنىڭ نورمالارىن ىسكە اسىرۋ ءۇشىن 1,4 ميلليارد تەڭگە جۇمسالماق.