12:54, 02 - اقپان 2023 | GMT +6
تاسىمالداۋ كەزىندە جوعالعان قاۋىپتى راديواكتيۆتى يزوتوپ تابىلدى
استانا. قازاقپارات - اۆستراليادا جوعالعان راديواكتيۆتى يزوتوپ تابىلدى. ول وتكەن اپتادا تاسىمالداۋ كەزىندە جوعالعان ەدى. كاپسۋلادا سەزي-137 يزوتوبى بار. ونى ۇستاعان ادام رادياتسيا الىپ، اۋىر دەرتكە شالدىعۋى مۇمكىن.
قاۋىپتى زات باتىس اۆستراليادا جوعالعان. بۇل ەلدەگى ەڭ ءىرى شتات. ال كاپسۋلانىڭ ولشەمى 6-8 ميلليمەتر شاماسىندا. ىزدەستىرۋ جۇمىستارىن وسى جايت قيىنداتقان. نەگىزى سەزي-137 تاۋ- كەن ونەركاسىبىندە قولدانىلادى. ونى بۇل ىسپەن اينالىساتىن كومپانيالاردىڭ ءبىرى تاسىمالداعان. ەندى ونىڭ وكىلدەرى حالىقتان كەشىرىم سۇراپ، ىشكى تەرگەۋ جۇرگىزەتىنىن جەتكىزدى.
www.24.kz