توعىز عاسىر تۇرعان اقبيكەش مۇناراسى ءبىر جوندەۋدەن كەيىن وپىرىلىپ قالدى
VII عاسىردا تۇرعىزىلعان قاراۋىلحاناعا ەكى جىل بۇرىن بيۋدجەتتەن قاراجات ءبولىنىپ، قالپىنا كەلتىرۋ جۇمىسى جۇرگىزىلگەن. الايدا قىستا ىستەلگەن جۇمىس ساپاسىز بولىپ، تاريحي نىساننىڭ قاپتامالارى قيراپ قالعان.
«بۇل جەرگە گاز جانارعىسىن اكەپ قويىپ، استىنا قويىپ، ءسويتىپ ەزىندى ىستەپ، لايدى جاقتى. لاي ىستەگەندە دە، اپارىپ لايدى قويىپ، كەسەكتى قويىپ قالايمىن دەگەنشە، ول قاتىپ قالىپ جاتىر. مىنانىڭ باسىندا سۋىق بولىپ تۇر. قالاي بولسا سولاي قالاعان. كورىپ تۇرسىزدار عوي، ەشقانداي بايلانىس جوق. ەندى كەشەگى ءبىر جاۋىنعا وپىرىلىپ قۇلاپ جاتىر. بۇل بىلتىر قىستا قالانىپ بىتكەن، بيىل قىستان كوكتەمگە شىقپاي تۇر عوي، ءبىر سوزبەن ايتقاندا»، - دەيدى سوزاق اۋدانىنىڭ تۇرعىنى شالقار نازار ۇلى.
جاۋگەرشىلىك زاماندا دەشتى قىپشاق دالاسىن باقىلاپ وتىرۋ ءۇشىن قاراتاۋ شىڭىنا سالىنعان قاراۋىلحانانىڭ رەستاۆراتسياسىنا مادەنيەت مينيسترلىگى 30 ميلليون تەڭگە بولگەن. ءسويتىپ قايتا قالپىنا كەلتىرۋ جۇمىسىن قىزىلوردالىق «قازقايتاجاڭارتۋ» مەكەمەسى جاساعان، ءبىراق ولار وزبەكستاندىق جۇمىسشىلارىن جالداپ، كەيىن قالعانىن وسى اۋىل تۇرعىندارىنا جاساتقان. وسىلايشا، توعىز عاسىر تۇرعان مۇنارا توعىز ايعا جەتپەي قيراپ قالعان.
ال مەكەمە باسشىلىعى «شەتتەن جۇمىسشى جالداعان جوقپىز» دەپ جاۋاپ بەرگەن، ءتىپتى لاي- توپىراقتى شالعايداعى ساۋران دالاسىنان تاسىپتى. قيراپ قالعان بولىگىن بيىل ءوز ەسەبىنەن بۇتىندەپ بەرمەكشى.
«كليمات فاكتورىنا بايلانىستى ىشىندەگى سۋدىڭ وتۋىنە بايلانىستى سول جەردە ءبىر جەردەن شىعىپ كەتكەن. ونى ەرتەڭ شەشىمدەردىڭ ءبارىن، اۆتورىمەن، جوبا اۆتورلارىمەن ءبارىن انىقتاپ، باسىنا بارىپ زەرتتەيمىز. الداعى ۋاقىتتا قايتا قالپىنا كەلتىرۋ جۇمىسى جۇرگىزىلەدى. ءوزىمىزدىڭ جەكە ەسەبىمىزدەن. ءبىز جەكە ج ش س ەمەسپىز عوي، قاشىپ كەتەتىن»، - دەيدى «قازقايتاجاڭارتۋ» ر م ك قىزىلوردا فيليالىنىڭ ديرەكتورى نۇربولات مۇراتبەكوۆ.