حوككەيدەن الەم چەمپيوناتى: قازاق قىزدارى ءوز توبىندا ءبىرىنشى ورىن الدى
ايتا كەتسەك، ەل قۇراماسى ەكىنشى ديۆيزيونىندا ۆ توبىندا سىنعا ءتۇستى. قارسىلاستارى - بولگاريا، جاڭا زەلانديا، بەلگيا، ەستونيا، يسلانديا.
بۇعان دەيىن ق ر حوككەيشىلەرى بولگاريانى - 8:1، جاڭا زەلانديانى - 7:1، بەلگيانى 5:3، ەستونيانى 8:0 ەسەبىمەن جەڭگەن ەدى.
قازاقستاندىق حوككەيشىلەر بەسىنشى كەزدەسۋىندە يسلانديا قۇراماسىمەن كەزدەستى. ەكى قۇرامانىڭ دا ءوز توبىندا ءبىرىنشى ورىن الۋىنا مۇمكىندىگى بولدى. يسلانديالىق حوككەيشىلەر جەڭىسكە جەتكەن جاعدايدا تۋرنير كەستەسىندە كوش باسىنا شىعاتىن ەدى.
ءبىرىنشى كەزەڭدە ەل قۇراماسىنان سوفيا زۋبكوۆا 15، 18-مينۋتىندا مەرگەندىك تانىتتى. ول بۇعان دەيىنگى ءتورت كەزدەسۋدە ون گول سوعىپ ۇلگەردى.
ەكىنشى كەزەڭدە قازاقستاندىق مادياننا ءنۇسىپوۆا 21، اناستاسيا فيليمونوۆا 28، سوفيا راكوۆسكايا 33-مينۋتتا گول سوقسا، سوفيا زۋبكوۆا 36-مينۋتتا حەت-تريكتىڭ اۆتورى اتاندى.
ال 36-مينۋتتا سوفيا راكوۆسكايا تاعى ءبىر شايبانى سوقتى.
وسىلايشا قازاقستاندىق حوككەيشىلەر قارسىلاسىنان 7:0 ەسەبىمەن باسىم ءتۇستى.
قورىتىندى ويىن كەستەسىندە قازاقستاندىق حوككەيشىلەر 15 ۇپايمەن ءبىرىنشى ورىن الدى. ودان كەيىنگى ورىندارداعى بەلگيانىڭ 11, يسلانديانىڭ 9, جاڭا زەلانديانىڭ 6, بولگاريانىڭ 4، ەستونيانىڭ 0 ۇپايى بار.
وسىلايشا قازاقستاندىق حوككەيشىلەر ەندى ەكىنشى ديۆيزيوننىڭ ا توبىندا سىنعا تۇسۋگە مۇمكىندىك الدى.