ءۇش مىڭنان استام شەنەۋنىك جاۋاپقا تارتىلدى

None
تاشكەنت. قازاقپارات - وزبەكستاندا بىلتىر 3 مىڭنان استام شەنەۋنىك جاۋاپقا تارتىلدى، دەپ حابارلايدى قازاقپارات ءتىلشىسى.

وزبەكستان باس پروكۋراتۋراسىنىڭ مالىمەتىنشە، 2022 -جىلى رەسپۋبليكادا 2965 قىلمىستىق ءىس تىركەلىپ، 3116 لاۋازىمدى تۇلعا جاۋاپقا تارتىلعان. ونىڭ 110-ى رەسپۋبليكالىق، 264 ى وبلىستىق، 2742 سى اۋداندىق (قالالىق) باسقارما قىزمەتكەرلەرى.

«قىلمىستىق جاۋاپكەرشىلىككە تارتىلعاندار وزگەنىڭ مۇلكىن يەمدەنۋ جانە جىمقىرۋ (2103)، قىزمەتتىك بابىن اسىرا پايدالانۋ (265)، الاياقتىق (243)، پارا الۋ (169)، لاۋازىمدىق جالعاندىق (51)، لاۋازىمدىق نەمقۇرايلىلىق (22)، بيلىكتى اسىرا قولدانۋ (14) جانە باسقا دا قىلمىستار (249 ادام)»، - دەپ حابارلايدى باس پروكۋروراتۋرادان.

ۆەدومستۆونىڭ مالىمەتىنشە، زاڭ بۇزۋشىلىق سالدارىنان مەملەكەت پەن قوعامدىق مۇددەلەرگە 1,12 تريلليون سۋم (99 ميلليون دوللار) كولەمىندە شىعىن كەلتىرىلگەن، ونىڭ 847 ميلليارد سۋمى (75 ميلليون دوللار) الدىن الا تەرگەۋ بارىسىندا ءوندىرىلدى.

سوڭعى جاڭالىقتار