ەلەكتر ەنەرگيانىڭ باعاسى قىمباتتاي ما - مينيستر جاۋابى
«قازىر تاريفتەر ماسەلەسىن كوتەرىپ جاتقان جوق. بۇعان دەيىن «تاريفتى ينۆەستيتسياعا الماستىرۋ» باعدارلاماسى تۋرالى ايتقان بولاتىنمىن. اتالعان باعدارلاما ىسكە قوسىلعان كۇننىڭ وزىندە ءبىر كۇندە تاريفتەرگە اسەر ەتپەيدى. جاڭا جىلۋ-جارىق ەلەكتر ورتالىقتارىن سالۋ جوسپارلانۋدا، ولار ىسكە قوسىلعاننان كەيىن تاريفتەردى قايتا قاراستىرۋعا بولادى. ءبىراق ءبىز باعانى ءوسىرۋدى جوسپارلاپ جاتقان جوقپىز»، - دەدى بولات اقشولاقوۆ ەفير بارىسىندا.
ايتا كەتسەك، بۇگىن وتكەن ەنەرگەتيكا مينيسترلىگىنىڭ كەڭەيتىلگەن القا وتىرىسىندا ۇكىمەت باسشىسىنىڭ ءبىرىنشى ورىنباسارى رومان سكليار ەلەكتر ەنەرگياسى تاپشىلىعى ماسەلەسىن كوتەرگەن ەدى.
«ەلەكتر ەنەرگياسى تاپشىلىعىن رەسەيدەن وتە جوعارى باعا ەسەبىنەن جابۋعا ءماجبۇرمىز. تاپشىلىق تاۋلىگىنە 1200 م ۆ ت- قا دەيىن جەتەدى. ساراپشىلار مۇنى تۇتىنۋدىڭ ارتۋىمەن، توزۋىمەن جانە ەنەرگەتيكالىق ينفراقۇرىلىمنىڭ جوعارى اپاتتىلىعىمەن بايلانىستىرادى. الايدا، مينيسترلىك جىل سايىنعى ەنەرگيا تەڭگەرىمدەرىن قالىپتاستىرۋ كەزىندە، سونداي-اق جاڭا ونەركاسىپتىك نىسانداردى ىسكە قوسۋ جوسپارلارى تۋرالى بىلە وتىرىپ، نەگە ەشقانداي شارا قولدانبادى؟»، - دەپ ۆەدومستۆو جۇمىسىن سىنادى رومان سكليار.