تۇركىستاننان دۋباي مەن انتالياعا تىكەلەي رەيستەر اشىلۋى مۇمكىن
تۇركىستان قالاسىنا شەتەلدەردەن جانە ەل اۋماعىنان كەلەتىن تۋريستەردىڭ سانى وسكەن. ماسەلەن، وتكەن جىلى قالاعا 120 مىڭنان استام تۋريست كەلگەن. بۇل 2018-جىلمەن سالىستىرعاندا 4 ەسەگە جوعارى.
«تۇركىستان قالاسىنداعى حالىقارالىق اۋەجايدان ستامبۋل جانە كۋۆەيت باعىتىنا تىكەلەي رەيستەر اشىلعان بولاتىن. قازىرگى ۋاقىتتا ماسكەۋ، انتاليا، دۋباي، تبيليسي، تاشكەنت جانە سامارقاندقا اۋە رەيستەرىن اشۋعا ۇكىمەتكە ۇسىنىس بەرىپ وتىرمىز. سونداي-اق، الماتى مەن استانا باعىتىنداعى ىشكى رەيستەردى كوبەيتۋ بويىنشا جۇمىس ىستەپ جاتىرمىز. بۇل بويىنشا دا ءتيىستى مينيسترلىككە ءوز ۇسىنىستارىمىزدى بەردىك» - دەدى وبلىس اكىمى.
كەزدەسۋدە تۇركىستاندىقتار جولداردىڭ ساپاسىن جاقسارتۋ، جوندەۋ، قوعامدىق كولىك باعىتىن رەتتەۋ، كوشەلەرگە تاس، اسفالت توسەۋ، كوپىر سالۋ، تۇرعىن ءۇي، سىبايلاس جەمقورلىقپەن كۇرەس جانە تاعى باسقا ماسەلەلەردى كوتەردى.
ءوڭىر باسشىسى تۇرعىندار تاراپىنان قويىلعان وزەكتى سۇراقتارعا دا جاۋاپ بەردى. كەزدەسۋ اياسىندا ناقتى تاپسىرمالار بەرىلىپ، ورىندالۋ مەرزىمدەرى بەلگىلەندى.
ايتا كەتەيىك، بۇدان الدىن تۇركىستان قالاسىنىڭ ەرەكشە مارتەبەسى تۋرالى زاڭ جوباسى دايىندالىپ جاتقانىن جازعان بولاتىنبىز.