ەلىمىزدە گاز وڭدەۋ زاۋىتتارى سالىنباق

استانا. قازاقپارات - ەكونوميكانىڭ ءوسۋىن ەسكەرە وتىرىپ، جىل سايىن تاۋارلىق گازدى تۇتىنۋدىڭ ۇلعايۋى بايقالادى.

اتالعان ماسەلەنى ق ر پرەمەر-ءمينيسترىنىڭ ءبىرىنشى ورىنباسارى رومان سكليار كوتەردى، دەپ حابارلايدى قازاقپارات ءتىلشىسى.

«ەگەر 2017-جىلى بۇل كورسەتكىش شامامەن 14 ميلليارد تەكشە مەتردى قۇراسا، وتكەن جىلدىڭ قورىتىندىسى بويىنشا 19 ملرد تەكشە مەتردى استى. سوندىقتان گازدىڭ رەسۋرستىق بازاسىن ۇلعايتۋمەن قاتار ونى قايتا وڭدەۋ قۋاتىن ارتتىرۋ ماڭىزدى. بۇل ءۇشىن ءبىرقاتار گاز وڭدەۋ زاۋىتتارىنىڭ قۇرىلىسى جوسپارلانىپ وتىر»، - دەدى رومان سكليار ەنەرگەتيكا مينيسترلىگىنىڭ كەڭەيتىلگەن القا وتىرىسىندا.

ۆيتسە-پرەمەر اتاپ وتكەندەي، 2023-جىلى اياقتالۋى ءتيىس قاشاعانداعى زاۋىتتىڭ 1-كەزەڭىنىڭ قۇرىلىسى باياۋ ءجۇرىپ جاتىر.

«2-كەزەڭ تۇجىرىمداماسى بويىنشا ءالى تۇپكىلىكتى شەشىم قابىلدانعان جوق. سونداي-اق، قاراشىعاناقتا مۇناي ءوندىرۋ زاۋىتىن سالۋ بويىنشا دا شەشىم جوق»، - دەيدى ر. سكليار.

بۇعان دەيىن پرەمەر-ءمينيستردىڭ ءبىرىنشى ورىنباسارى ەنەرگەتيكا ءمينيسترى بولات اقشولاقوۆقا ا ە س- ءتىڭ بازالىق جوباسىن بيىل اياقتاۋدى تاپسىرعان ەدى.

ودان بولەك، رومان سكليار بيىل 1- ساۋىرگە دەيىن جىلۋ ەلەكتر ورتالىقتارى مەن جىلۋ جەلىلەرىنە اۋديت جۇرگىزۋدى اياقتاۋدى جۇكتەدى.