ەلىمىزدە گاز باعاسىن تەجەپ ۇستاۋ مەحانيزمى ەنگىزىلمەك
ەنەرگەتيكا ءمينيسترى بولات اقشولاقوۆ ۆەدومستۆونىڭ كەڭەيتىلگەن القا ماجىلىسىندە وسىنداي مالىمەت كەلتىردى.
«گاز سالاسىن دامىتۋدىڭ 2026-جىلعا دەيىنگى كەشەندى جوسپارى قابىلداندى. وسى كەشەندى جوسپاردا گازدىڭ رەسۋرستىق بازاسىن ۇلعايتۋ، گاز نارىعىن رەفورمالاۋ جانە ازاماتتاردىڭ الەۋمەتتىك وسال ساناتتارى ءۇشىن باعالاردى تەجەۋ جونىندەگى شارالار كوزدەلەدى. بيىل سۇيىتىلعان گاز اينالىمىنىڭ اشىقتىعىن قامتاماسىز ەتۋ ماقساتىندا سۇيىتىلعان مۇناي گازىن رەتتەۋ پروتسەستەرىنىڭ رەينجينيرينگى ماسەلەلەرى بويىنشا زاڭ قابىلداۋ جوسپارلانۋدا»، - دەدى ول.
ونىڭ ايتۋىنا قاراعاندا، 2022-جىلى ەلدى كوگىلدىر وتىنمەن قامتۋ دەڭگەيى %59 بولعان.
«2023-جىلى 74 ميلليارد تەڭگەگە 86 جوبانى ىسكە اسىرا وتىرىپ، حالىقتى گازداندىرۋ ۇلەسىن %60 عا دەيىن جەتكىزۋ جوسپارلانىپ وتىر. بۇل 56 اۋىلدىق ەلدى مەكەندەگى 167 مىڭ ازاماتتى گازبەن قامتاماسىز ەتۋگە مۇمكىندىك بەرەدى. ناتيجەسىندە، رەسپۋبليكانىڭ 11,4 ميلليون ازاماتى گازبەن قامتاماسىز ەتىلەدى»، - دەدى مينيستر.